Resurssaguovlo, luondo moattebelakvuohta, kulturmujto ja kulturduobddága li ájnas oassen dassta mij gåhtjoduvvá materiálalasj kulturvuodo sáme kultuvrraj. Dát le vuodon sáme æládusájda, årrumijda, kulturiellemij ja sebrudakåvddånahttemij. Arealáj, luondo ja kulturárbe háldadibme le danen ájnas nannitjit vuodov sáme kultuvrraj bisodittjat ja åvddånahtátjit.
Dættodit guoddelis ja guhkesájggásasj vuojnov gájkka areálaj ja resursaj adnemij sáme guovlojn
Kulturmujto ja kulturduobddága bisoduvvi ja aneduvvi vuodon sáme iesjdåbddo-, kultuvra-, ja sebrudakåvddånahttemij. Kulturmujto galggi háldaduvvat histåvrålasj gálldon.
Luondo biologalasj, duobddágij ja geologalasj moattebelakvuohta ja økologalasj prosessa háldaduvvi guoddelis adnema ja suodjalime baktu, nav aj dá vaddi sáme kultuvrraj vuodov.
Diedo Birás, areálla ja kultursuodjalus
Sámedikke le háldadimfábmudahka kulturmujttolága milta ja pládna- ja tsiekkaduslága milta.
