Dát la vuostasj juogosmanno Sámedikke sjaddam-, hukso- ja åhpadusjuogos tjadát válga maŋŋela, ja juohkusin árrat sjiehtadin juhti juogosmanno galgaj Divtasvuodnaj.
Sámedikke sjaddam-, hukso- ja åhpadusjuohkusin la oajvvevásstediddje sebrudaksuorgijs sjaddam, åhpadus, giella ja varresvuohta. Juogosmanoj nanna galggi guovten biejven ienep tjåhkanimijt iesjgeŋga ásadusáj tjadádit.
– Mij sihtap ienebuv diehtet Divtasvuona sáme sebrudagá åvddånime duogátja birra, ja galggap æjvvalit ásadusájt ma li sámegiela adnemav Divtasvuonan låpptim. Mij sihtap aj gehtjadit Divtasvuona sebrudagá hásstalusájt, duola dagu gåktu Divtasvuona-ássje gåtseduvvá, ja gåktu sáme ássje sjaddi gåtseduvvat suohkanavtastahttema maŋŋela, javllá juohkusa jådediddje Márjá-Liissá Partapuoli.
Álmmuktjåhkanibme
Gasskavahko 17.10.18 kl. 17.00 juogos viesádijt rabás álmmuktjåhkanibmáj bivddi. Álmmuktjåhkanibme l Árrana auditåvrån/lågådallamlanján kl. 17.00-18.30.
Tjåhkanimen la rabás tiebmá, ja juogos bádtji álmmugav bajedittjat dajt ássjijt ma li ájggeguovddelisá sebrudagán. Juohkusin la ienemusát oajvvevásstediddjen dájs sebrudaksuorgijs: sjaddam, åhpadus, giella ja varresvuohta.
– Mij ávvudallap viesádij guládalátjit ja gulátjit makkir ássjijs viesáda berusti. Álmmuktjåhkanimen bessi bajedit vájk makkir tiemáv, jus ga dal gullu vássám ájggáj, dálásj ájggáj jali boahtte ájggáj, javllá juohkusa jådediddje Márjá-Liissá Partapuoli.
Tjuovvovasj juogossebrulattjat oassálassti juogosmannuj:
Partapuoli, Márjá Liissa (NSR-NSR/SáB) – Juogosjådediddje
Gaski, Jørn Are (Bb) – Sadjásasj jådediddje
Hornæs, Mona (NSR)
Jacobsen, Gunn Anita (NSR)
Nilut, Anne Henriette Reinås (NSR)
Valkeapää, Niko (NSR)
Kvernmo, Ann Karin (NSR)
Utsi, Nils Mikkelsen (NSR)
Erke, Elisabeth (GB)
Olli, Kåre (Belludakpolitihkas iesjrádálasj)
Wilhelmsen, Kjellrun (NORD)
Finbog, Ann-Elise (SáB/SfP)