Rabás åhtsåmájggemierre: Doarjjaårnigin la rabás åhtsåmájggemierre basádismáno 1. biejve rádjáj.
Åhtsåmusá maŋenagi giehtadaláduvvi. Ássjegiehtadallam la birrusij guokta máno.
Dájda máhtá dårjav oadtjot:
- Dahkat jali jårggålit sámegiellaj giellaapplikasjåvnåjt ja spellaj mánájda ja nuorajda.
- Sámegielkursa ållessjattugijda.
- Låhkåm- ja tjállemviehkkeårnik sámegielagijda.
- Vájkkudit Rámádav jårggålimev oarjjel- ja julevsámegielajda.
- Giellaåvddånahttemdoajmmajbiedjama sáme giellaguovdátjijda ma åvddål li ásadimdårjav oadtjum.
- Sáme bájkkenamájt tjoahkkiv ja gaskostibme.
- Báhkogirjijt sáme gielajda dahkat, ållagasj vuoroduvvá digitála. tjoavddusa.
- Terminologijjaprosjevta majna ulmme la ådå termajt ásadit jali boares termajt ælládahttet.
- Vájkkudit jut sáme medijáfálaldagájda, ma li ásaduvvamin, åvddånahttemprosjevta båhti dassátjij gå sjaddi dássedis doarjjaårniga.
- Giellasujttodoajmmajbiedjama ja buorre giellaariená
- Åvdedi málajt vaj giellaressursa ma li guovlon tjoahkkáj máhtti giellaåhpadusá vájkkudit.
- Sámegieldåjma sáme giellavahko 2020 aktijvuodan.
Gut máhttá åhtsåt:
- Almulasj ja priváhta organisasjåvnå/institusjåvnå/vidnudagá
- Sáme giellaguovdátja ma njuolgga dårjav Sámedikke budsjehta baktu oadtju e máhte juollodimev dát doarjjaårnigis oadtjot. Svahkastibme la:
- Sáme giellaguovdátja julev-, oarjjel- ja márkkosáme guovlojn máhtti dårjav vuorodimes åhtsåt “Giellasujttodoajmmajbiedjama ja buorre giellaariená” ja "Åvdedi málajt vaj giellaressursa ma li guovlon tjoahkkáj máhtti giellaåhpadusá vájkkudit".
- Giellaguovdátja ma juo li ásadime vuolen ja li dasi dårjav oadtjum, máhtti åhtsåt. Ij vatteduvá doarjja ådå giellaguovdátjij ásadibmáj.
- Vidnudagá, ásadusá ja organisasjåvnå ma dårjav oadtju, hæhttuji liehket tjáledum «Vuona Avtadakregisstarin» (Enhetsregisteret for Norge).
Náv ednagav máhtá doarjjan oadtjot:
- Dårja mierre la gitta 300 000 kråvnnåj.
- Dårja mierre sámegieldåjmajda sáme giellavahko 2020 aktijvuodan la kr. 40 000 rádjáj.
Tjuovvovasj tjuovvusa galggi åhtsåmusáv tjuovvot:
- Prosjæktatjielggidus gånnå li tjuovvovasj tjuokka:
- Prosjevta ájggomus oasseulmij
- Ulmmejuogos
- Åhtsåmusá vuodustibme
- Fágalasj sisadno
- Tjielggidus prosjevta tjadádibmáj aktan åvddånimplánajn ja máhttelis mihttomierij
- Prosjevta tjadádimmáhttelisvuohta/ åvdåsvásstádusárvustallam
- Gåktu prosjækta l vuododam addnij sávadusáj ja sebrudagá dárboj milta
- Tjielggidus gåktu prosjevta vájkkudusá li boahtteájggáj prosjæktaájge maŋŋela
- Tjielggidus gåktu dássádusperspektijvva prosjevtan gåtseduvvá
- Tjielggidus gåktu prosjæktabåhtusa galggi almoduvvat
- Máhttelis aktisasjbarggoguojme
- Li gus máhttelis ietjá ruhtadiddje doarjjaåhtsåmusáv giehtadallam ja juollodav dårjav
- Sjiehtadus riektáåmastiddjijn applikasjåvnåjda (guosská åhtsåmijda applikasjåvnåjt hiebadahttet).
Ietjá gájbbádusá:
Doarjjaårniga gájbbádusá årnigij li giellaprosjevta njuolgadusájn.
Guládallamdiedo: Anne Marit Triumf +47 78 48 42 11 ja Siv Marit R. Eira +47 78 47 40 72