Huomaha jus dån la nuorap gå 18 jage, hæhttu åhtsåmus duv æjgádij/åvdåstiddjij ID-pårtå baktu sáddiduvvat.
Åhtsåmmierre: 30.04.2020
Åhtsåmusá skåvllåjahkáj máhtti sáddiduvvat sisi 16.01.2020 rájes 30.04.2020 rádjáj. Åhtsåmusá maŋenagi giehtadaláduvvi.
Gudi máhtti stipendav oadtjot?
- Oahppe joarkkaskåvlån gænna li sámegielåhpadus vuostasj, nubben jali amásgiellan.
- Oahppe joarkkaskåvlån gænna li sámegielåhpadus vuostasj, nubben jali amásgiellan guhkásåhpadibmen.
- Oahppe gudi eksámav sámegielan privatisstan válldi.
- Vuona stáhtaviesáda, jali gænna li riektá ietjasa Vuona stáhtaviesádin tjáledit ja la tjanádum almulasj dåhkkidum åhpadimsadjáj Svierigin ja Suoman.
Jus galga stipendav oadtjot hæhttu liehket oahppen almulattjat dåhkkidum åhpadimsajen Vuonan, dåhkkidum åhpadusdoarjjaj Stáhta lådnakássas åhpadussaj. Åhttse gudi li tjanádum almulasj dåhkkidum åhpadimsadjáj Svierigin ja Suoman, hæhttuji liehket Vuona stáhtaviesádin ja siján li riektá doarjjaj Stáhta lådnakássas åhpadussaj Vuonan.
Man ednagav máhtá stipænndan oadtjot:
- Sámegiella vuostasjgiellan: 9 500 kråvnå
- Sámegiella nubbengiellan sámegiella 2: 6 000 kråvnå
- Sámegiella nubbengiellan sámegiella 3 jali sámegiella 4: 3 500 kråvnå
- Sámegiella amásgiellan: 3 500 kråvnå
Tjuovvusa åhtsåmussaj:
- Duodastus skåvlås dån la oahppe skåvlån ja dujna le sámegielåhpadus
- Privatisstan hæhttu duodastusás skåvlås sáddit, dån la oahppe skåvlån ja diededibme eksábmaj.
- Jus dån la oahppen Svierigin jali Suoman hæhttu duoddediedojt fáhkaåhpadiddjes sáddit, makkir dáses åhpadibme le, buohtastahtedum Sámedikke njuolgadusáj milta; sámegiella vuostasjgiellan, nubbengiellan 2,3 jali 4, vaj amásgiellan.
Ienep diedojt stipænndaævtoj birra:
Gehtja stipænndanjuolgadusájt.
Guládallamulmutja:
Anne Marit Triumf, tlf. 78 48 42 11 ja Siv Marit R. Eira, tlf. 78 47 40 72