Åhtsåmájggemierre: 01.03.19, 01.10.19
Ulmme doarjjaårnigij:
- Buorre girjálasjvuoda kvalitiehtajn gávnnuji sábmáj
Sáme girjálasjvuoda doarjjaårnik doarjju sáme girjálasjvuodav, goappátjagá tjáppa- ja fáhkagirjálasjvuoda prosjevtajt ma dåjmadagájs åvdeduvvi. Åhtsåmusá merustaláduvvi moatte guoskavasj berustime hárráj.
Årniga doarjjaoadtjo:
- Dåjmadagá
- Dåjmadagá, institusjåvnå ja organisasjåvnå ma dårjav oadtju hæhttu liehket tjáledum Vuona Avtadakregisstarin.
Almmudagájn/dåjmadagájn ma oadtju njuolgga dårjav almmudakdoarjjan Sámedikke budsjehta baktu ij la rievtesvuohta dårjav oadtjot dán doarjjaårniga baktu mij åhtsåmusáv gájbbet. Ålggorijkalasj dåjmadagá tjáledum Vuonan e dårjav oattjo (NUF).
Máhttelis la dårjav åhtsåt tjuovvovasj dåjmajda:
- Tjáppagirjálasjvuohtaj álggogiehtatjállagijn sábmáj
- Fáhkagirjálasjvuohtaj álggogiehtatjállagijn sábmáj
- Girjálasjvuodav mánájda ja nuorajda sábmáj jårggålittjat
- Digitála almodusá sábmáj tjáppagirjálasjvuoda suorgen
Ienep diedo merustallamnjuolgadusáj hárráj - gehtja åhtsåmsjiemáv ja årniga njuolgadusájt.
Gájbbádus åhtsåmusá sisadnuj ja hábmáj:
- Åhtsåmus galggá tjáleduvvat Sámedikke åhtsåmsjiebmáj.
- Åhtsåmusá ma e åhtsåmævtojt dievde hilgoduvvi.
- Doarjjaoadtjon galggá dássádus- ja moattebelakvuodaperspektijvva ietjas bargon, dievnastusán ja buktagijn.
- Budsjæhtta mij vuoset gållomerustallamijt ja ruhtadimplánav.
- Sujna guhti åhtsåmusáv vuollájtjállá hæhttu liehket fábmodus institusjåvnåv vælggogissan dahkat.
- Jus åhttse dårjav oadtju galggá diededuvvat jut Sámedigge l dåjmav/prosjevtav doarjjum.
Giehtadallamájgge:
Åhttse máhttá vásstádusáv åhtsåmussaj vuorddet 3 máno maŋŋela gå mij lip åhtsåmusáv oadtjum, gehtja háldadimlága § 11. Båddåsasj diedádus háldadimássjijn sáddiduvvá maŋemusát máno maŋŋela gå mij lip åhtsåmusáv oadtjum.
Guládallamdiedo:
Emma Margret Skåden, 78 47 41 01, Silja Somby, 78 48 42 30, Johan Matteus Triumf, 78 48 42 81