Finnmárkokommisjåvnån
Politihkalasj ássje:
Se alle hendelser i saken
Siste hendelse: 16.tsïen 2012 Utmarksdomstolen for Finnmark
Kartlegging og anerkjennelse av eksisterende rettigheter i Finnmark.
Kártemis ja dohkkeheames gávdni vuoigatvuođaid Finnmárkkus.
Kárttim ja dåhkkidibme gávnne riektájs Finnmárkon.
Kárttim ja dåhkkidibme gávnne riektájs Finnmárkon.
Ráddidus Finnmárkokommisjåvnåv nammadij maŋŋel gå lij Sámedikkijn rádádallam 2008 snjuktjamáno, ja danna le jådediddje ja niellja ietjá ájrrasa. Sij li:
- Jon Gauslaa (jådediddje)
- Hilde Agathe Heggelund
- Ole Henrik Magga
- Kjell Næss
- Anne Marit Pedersen
Finnmárkokommisjåvnnå galggá tjielgadit addno- ja åmastimriektájt dajn ednamijn ma Statskog SF háldos Finnmárkoåbmudagá hállduj biehtsemáno 1. biejve 2006. Ulmme le tjielgadit daj riektáj vijddudagáv ja sisanov majt Finnmárko álmmuk le ásadam dáj ednamij åmastime, vierojduvvam ano jali ietjá riektávuodo, duola dagu bájkálasj dábe baktu. Kommisjåvnå konklusjåvnnå mierreduvvá maŋŋel gå le árvustallam anov mij le læhám guovlon. Dán árvustallamin kommisjåvnnå árvustallá ano guhkkudagáv ja sisanov, dan aktijvuodan aj makta le læhkám sierra váj intensijvva adno, ja makta addnijn le læhkám dádjadahtte jáhkko ahte sijáj adno le læhkám riekta.
Finnmárkokommisjåvnån le oajvveåvdåsvásstadus ássje diedoj gáktuj. Kommisjåvnnå iesj hæhttu bærrájgæhttjat jut duohta ja histåvrålasj dile ma dárbahuvvi riektádile tjielggamij, nuoges buoragit tjielgaduvvi. Kommisjåvnnå máhttá åhtsåt njálmálasj diedojt ja tjálalasj diedojt dagu dokumenta jna majt dárbahi oassen ássjediedojda. Kommisjåvnnå máhttá aj guoradallamijt ja tjielgadimijt tjadádit ma li dárbulattja ietjasa loahpamærrádussaj. Ássjedåbdde tjielgadime majt kommisjåvnnå le iehtjádijt gåhttjum dahkat juohkka akta tjielggijiddje/dutkamásadus iesj sisano åvdås vásstet. Tjielgadime galggi kommisjåvnå konklusjåvnåj vuodon.
Gå Finnmárkokommisjåvnnå la gárvvásit guovlov tjielgadam de bukti rapportav gånnå galggi diedo:
- Guhti ednamav åmas
- Makkár addnoriektá guovlon li
- Makkár ássjediedojt kommisjåvnnå le vuodon adnám gå le mierredam navti gåktu le.
Finnmárkokommisjåvnå raportta galggá álmoduvvat, ja Finnmárkoåbmudahka galggá juogu de dåhkkidit jali hilggot kommisjåvnå konklusjåvnåjt. Finnmárkokommisjåvnnå galggá såbadit jus biele e kommisjåvnå konklusjåvnåjda guorrasa.
Finnmárkokommisjåvnå ja Finnmárko miehttseduobmoståvllå njuolgadustjála
