![](/share/icons/crystal/16x16/mimetypes/pdf.png)
Barggobiejadibme lassán kulturæládusájn sáme guovlojn. Dav vuoset diedádus Sámediggáj dagádum Telemarkforskningis.
Diedádus vuoset lassánibme le læhkám stuorámus dáhpádus- ja doajmmavidnudagájn ja berustimorganisasjåvnåjn. Barggobiejadibme le vargga gærdoduvvam ja le stuoráp lassánibme gå rijkaguovlon ja vuonarijkan ietján, vuoset diedádus Telemarkforskningis.
Sáme guovlojn 594 ulmutja barggi duon dán kulturvirgijn. 204 dájs barggi mediajn, 110 barggi muhtem dájdalasj bargujn, 228 ulmutja barggi kultuvrraåvddånbuktemijn, d.d. dávvervuorkán ja girjjevuorkán barggi, ja 52 ulmutja barggi dájddaåhpadimijn kulturskåvlån jali muodugasj bargujn.
Vuona kulturlåhko
Vuona kulturlåhko le jahkásasj gåvvå kulturfálaldagáj ja kulturdåjmaj birra vuona suohkanijn, guovlujn ja fylkajn. Låhko le vuododam diedoj moadda almulasj etáhtajs, berustimorganisasjåvnåjs ja siebrijs. Dán diedádusán åvddånbuktá Telemarkforskning båhtusijt ja dárkkelis gåvåv sáme suohkanijs.
Dájddasuohkan
Tjoahkken li 96 dájddára gudi sáme guovlojn årru, vuoset diedádus Telemarkforskningis. Dát vaddá guokta dájddára juohkka tuvsán viesádij, dájddársuohkadis mij le birrusin lahkke rijka gasskamieres. Låhko dájddárijs sáme guovlon le lassánam 6 % maŋŋemus jage. Rijkan ietján ij le læhkám lassánibme dájddársuohkadisán.
Suohkanijs sáme guovlojn, le Guovddagæjnno stuorra dájddársuohkan. Dánna gávna tjoahkkáj 30 dájddára mij sjaddá 10,2 juohkka tuvsán viesádij, dát vuoset akta prosænnta álmmugis le sebrulasj avta jali moadda dájddaorganisasjåvnåjn. Guovddagæjnon aktu li 17 tjuojadiddje ja komponista, gietjav oavdástalle ja guhtta visualalasj dájddára. Guovddagæjnno gárggaluvvá goalmát sadjáj dájddasuohkanijs Vuonan.
Kulturdiedádus
- Diedádus sjaddá ájnas diehtovuodo bargujn Sámedikke kulturdiedádusájn, javllá rádeájras Marianne Balto. Akta sivájs lassenibmáj kulturæládusán le Sámedikke ruhtadoarjjaårnik, javllá Balto.
Jus sidá ienep diedov:
Vuona kulturlågo prosjæktajådediddje le dutke Bård Kleppe. Sujna máhtá telefåvnå baktu guládallat 911 97 543 jali e-påsta baktu kleppe@tmforsk.no.
Rádeájras Marianne Balto + 47 480 63 358