Evaluering av Sametingets søkerbaserte tilskuddsordninger for samisk språk.pdf 1,77 MB
Sámedikke doarjjaårniga sámegiela vuoksjuj doarjju sáme giellabargov.Dav vuoset muhtem guoradallam mav Norut Alta – Áltá le dahkam Nordlandsforskning/Nordlánda dutkama siegen Sámedikke åvdås.
Rapportta"Evaluering av Sametingets søkerbaserte tilskuddsordninger for samisk språk”åvddån biejaduváj Sámedikken mánnodagá 18.02.13.
Guoradallama ulmme le gåvåv åttjudit sihke gåktu doarjjavuosstájvállde Sámedikke dårjav adni ja gåktu Sámedigge iesj doarjjaårnigijt háldat.
Giellabargov “dáddi”
Akta rapporta oajvvekonklusjåvnåjs le jut gielladoarjja doajmmá dagu “dáden” massta tjuovvu ålles suohkkis vuobme giellabargos. Sebrudagá åvdås doajmmá dát vuomásj lahka aktijvuodan ietjá gielladåjmaj ja sáme giellapolitihka siegen man åvdås Sámedigge vásstet. Guoradallam vuoset doarjjavuosstájvállde li viehka dudálattja årnigijn.
Moaddásijda dájs giellaprosjevtajs le Sámedigge ájnnasamos ruhtadiddje. Danen le årnik ájnas sámegiela diedulasjvuohtaj ja åvddånahttemij.
Rádeájras Ellinor Marita Jåma javllá Sámedigge galggá rapportav snivva låhkåt, danen gå dat sjaddá ájnas gå galggá buoredit Sámedikke doarjjaårnigijt sámegiela vuoksjuj.
-Sámegiella le alvos dætto vuolen, ja danen le ájnas jut Sámedikke giellarudá buoremus láhkáj aneduvvi. Danen le ájnas årnigav guoradallat váj gávnná gåktu máhttá årnigav buoredit, javllá rádeájras Ellinor Marita Jåma.
Norut Alta - Áltá ja Nordlandsforskning/Nordlánda dutkam li aktan dáv guoradallam.
Seniordutke Eva Josefsen le prosjevtav jådedam ja suv siegen libá barggam dutkeguovtes Áila Márge Varsi Balto Norut Alta - Áltás ja Marit Solstad Nordlandsforskning/Nordlánda dutkamis.
Ienep diedo:
Seniordutke Eva Josefsen, + 47 915 51 794 ja rádeájras Ellinor Marita Jåma, + 47 916 13 460.