Dát la vuostasj bále Sámedigge li nav edna åhtsåmusáv almodittjat árbbedábálasj juojggusa, massta sámedikkeráde Henrik Olsen sjamut. Dát vuoset juhte berustibme árbbedábálasj juojggusis la stuorre.
– Sámedigge adná ájnnasin doarjjot almodimijt árbbedábálasj juojggusij, ja gå li nav moadda almodusá li vehi sieradusá ja sierralágásjvuodajt buoragit duodastuvvi. Almodusá sjaddi stuorra árvvon goappátjagá kultuvralattjat ja musihka histåvrå gáktuj, javllá Olsen.
Ulmme juollodimij la åvdedit buorre sáme musihkav mij li sadjihin ållusijda.
Ådå åhtsåmájggemierre tjavtjan
Dán jage li vuoroduvvam bielle gålmå millijåvnå kråvnå juojggusa ja sáme musihkav almodittjat. Rudá juogaduvvi guovte åhtsåmvuorruj, ja boahtte åhtsåmájggemierre l gålgådismáno 1. biejve 2019. Sámedigge l juo oadtjum gatjálvisájt boahtte åhtsåmájggemiere gáktuj.
– Mij doajvvop moadda buorre åhtsåmusá nuppe vuorruj aj båhtali.
Olsen javllá årnik vuododam åhtsåmusáj nanna almodittjat juojggusav ja sáme musihkav la ájnas sáme tjuojadiddjijda.
– Årnik máhttá liehket buorre vuodon sáme artistaj máhttelisvuohtaj ienep ulmutjijt jåvsådittjat, javllá Olsen.
Tjuovvusin la gåvvå juollodimijs. Jus li gatjálvisá jali ságájdahtátjit, guládalá sámedikkerádijn Henrik Olsenijn telefåvnån +47 907 75 219