Almodibmáj sæbrri sámedikkepresidænnta Aili Keskitalo, stáhtatjálle Anne Karin Olli ja Kárášjågå Sáme Joarkkaskåvlå oahppe.
Sámedigge l Giellavahko aktijvuodan hábbmim “Sámásta Mujna báhkogirjátjav” applikasjåvnnån, man namma l “Saemesth!”. Dájna báhkogirjátjijn bivddi suohtas vuogijn ságastittjat sámegielav vuostasj æjvvalimen, árggabiejven ja ávvobåttåj. Dánna ij la låsså grammatihkka, ájnat muhtem ávkkás gárgadisá. De ij la ietján gå sáhkadahtjat.
Báhkogirjásj dagáduváj “Sámásta mujna” kampánja aktijvuodan, ja dat la vilá ihkeva giehtos ja ålos gatjádi dav. Dan diehti la Sámedigge mierredam dav digitalisierit vaj la álkke adnegoahtet. Dálla máhtá dav maŋen válldet akta gåsi, nav guhkás gå dujna l jiermmetelefåvnnå. Bágo ja gárgadisá li oarjjel-, julev- ja nuorttasámegiellaj ja muhtema dajn li aj jiednabádde.
