Dåbdos Bindala goabdes la akta moattes histåvrålasj kultuvrragávnijs ma galggi máhtsaduvvat sáme dávvervuorkájda Bååstede-prosjevta baktu.
Moadda tjuohte jage li guoradalle ja misjonera tjoahkkim sáme kultuvrragávnijt.
Goabdes Bindalas Helgelándan planeriduvvá máhtsaduvvat Saemien Sijtij Snåasen.
Bindala goabdes la akta buoremusát bisoduvvam goabddáj ma li vil ájmon.
-Oadtjot ruoptus goabddáv la symbåvlålattjat oalle ájnas. Goabddá li læhkám gassko árbbedábálasj sáme jáhkon nåv gå viettjatjit diedojt boahtteájges, javllá Sámediggeráde ájras Henrik Olsen. Dåssju nágin gallegis goabddá li vil, ij la aktak sámij æjgon, ja dan diehti lip ávon gå goabdes máhtsaduvvá, javllá Olsen.
Lågå ienebuv goabddás: https://no.wikipedia.org/wiki/Bindalstromma
Válldet ruoptus histåvråv
Jagen 2012 lij gå Sámedigge vuollájtjálij sjiehtadusáv Norsk Folkemuseumijn ja Kulturhistorisk museumijn máhtsadittjat badjel 2000 histåvrålasj gávne sáme dávvervuorkájda.
http://www.sametinget.no/Kalender/Signering-av-avtale
http://www.sametinget.no/Arkiv/Valgperiode-2009-2013/Artikler/Samisk-kulturarv
Biednigahttem vádnun
Sámedigge le moadda jage vájnnodam vuona oajválattjajt máhtsadimev biednigahttet. Sáme dávvervuorkájn ælla uddni ekonomalasj luohko, teknihkalasj bisodimmáhttudagá ja lanjá gávnijt duostotjit.
-Mij galggap ietja háldadit ietjama kultuvrraárbev. Dat la rievtesvuohta mijá iemeálmmugin. Dan diehti vierttiji oajválattja juollodit nuoges ekonomalasj luohkojt sáme kultuvrraárbev Norsk Folkemuseumis ja kultuvrrahiståvrålasj dávvervuorkás (UiO), javlla Sámediggeráde ájras Henrik Olsen.
Ållestjåhkanibme giehtadallá ássjev duorastagá 24. biejve ragátmánon kl. 15.00 maŋŋela.
Dála li ássjepáhppára: http://innsyn.e-kommune.no/innsyn_sametinget_norsk/wfinnsyn.ashx?response=journalpost_detaljer&journalpostid=2015022757&
Ienep diedo: Sámediggeráde ájras Henrik Olsen, 907 75 219
Lågå ienebuv:
http://digitaltfortalt.no/things/bstede-tilbakefring-av-samisk-kulturarv/H-DF/DF.5392
Tjáledum la artihkal: ”Bindalstromma” Signy Norendal, tjállagin Museumsnytt 1/2015