SáNuN ásaduváv bisso orgádnan jage 2003 rájes. SáNuN:an li vihtta stuoves ájrrasa gejt Sámediggeráde l nammadam. Ájrrasa li nuora 16 ja 28 jage gaskan rijkav miehtáj.
Sámedikke ållestjåhkanibme l mierredam SáNuN:aj bisso fámov ja organisierimav. Sijá barggon la:
- buoredit sáme nuoraj máhttelisvuodav oassálastátjit mierredime ja vájkkudittjat vaj nuora bessi Sámedikke politihkkaj vájkkudit.
- gárvedit ja ásadit Sámedikke jahkásasj nuorajkonferánsajt.
- måvtåstuhttet sáme nuorajt sebratjit politihkalasj bargojda ja dåjmajda.
- åttjudit ienep nuorajt sáme jienastuslåhkuj tjáledittjat, åttjudit ienep nuorajt sámediggeválggaj sebratjit ja åttjudit ienep nuorajt válljiduvátjit Sámediggáj ja Sámedikke ietjá stivrajda ja juohkusijda.
SáNuN la oadtjum friddja rållav ja máhttá barggat daj ássjij ma sijá mielas li ájnnasa. Nammadus ja nammadussebrulattja máhtti ållu friddja vuojnojdisá åvdedit medijjaj ja ietjasa árvustallama milta ássjijt ietjá ásadusájda bajedit.
Nammadus galggá doajmmat guládallamásadussan sáme nuoraj ja Sámedikke gaskan, valla galggá aj liehket guláskuddamásadussan ja “bærrájgæhttjen” Sámedikke gáktuj nuoraidássjij aktijvuodan. Dajna vuogijn máhttá SáNuN viehkedit Sámedikkev nuorajprofijlav ja nuorajpolitihkav hábmemin.
Guládalá Sámedikke nuorajpolitihkalasj nammadusajn
SáNuN 2018-2021:
Jådediddje: Ole Henrik Bjørkmo Lifjell
Sebrulattja: Maja Fjellstrøm, Stine Ericsson Anti, Grethe Julianne Skum ja Alfred Mikkel Kuoljok
Sadjásasj sebrulattja: Laara Sparrok, Andine Knudtson, Kristine Ballari, Sajane Olsen, Katja Elise Utsi