Oahpestibme Sámediggevieson la dijstagáj, gasskavahkoj ja duorastagáj kl. 13.00, ietján gå dalloj gå la ållestjåhkanibme.
Ållestjåhkanime 2020:n:
Vahko 10: Snjuktjamáno 2. – 6. b.
Vahko 23: Biehtsemáno 8. - 12. b.
Vahko 42: Gålgådismáno 12. – 16. b.
Vahko 49: Basádismáno 30. b. – javllamáno 4. b.
Oahpestimgiela li dárogiella, sámegiella ja ieŋŋilsgiella. Juohkka oahpestibme bissu birrusij 30 minuhta. Ij sjiehta ienep gå 25 ulmutja juohkka juohkusij. Oahpestime li nåvkå.
Hiebadum fálaldahka juohkusijda
Skåvllåoahppijda ja –klássajda nuorajdásen ja joarkkaskåvlån, organisasjåvnåjda, ásadusájda ja medijáj fáladuvvá hiebadum oahpestimev, aktan åni lågådallamij Sámedikke, sámepolitihka jali ietjá guoskavasj tiemáj birra. Fálaldahka agev hiebaduvvá háldadusá máhtukvuoda ja politihkalasj dåjmaj milta vieson.
Guládalá Guládallamåssudagájn jus dujna li sierra dárbo.
Rabás tjåhkanime
Tjåhkanime Sámedikke ållestjåhkanimen ja juohkusijn li rahpasa gulldaliddjijda. Ållestjåhkanimen ja ja juohkusijn li birrusij niellja tjåhkanime jahkáj. Tjåhkanimij bále la aj bårådimladnja rabás gulldaliddjijda.
Sámedikke girjjevuorkká
Sámedikke girjjevuorkká låhkåm- ja oahpposajij la rabás 09.00 ja 15.30 gaskan, ja máhttá aneduvvat gulldaliddjijs.
Guládalá Sámedikkijn
Mánnodagás bierjjedahkaj
08.00-15.30
Telefåvnnå: +47 78 47 40 00
samediggi@samediggi.no