Dåbdåk gus avta guhti le dásseárvov sáme sebrudagájn åvdedam? Sáme parlamentáralasj ráde sihtá suv jali sijáv Nuorttarijkaj sáme dásseárvvobálkkájn guddnedit.
- Sáme parlamentáralasj ráde åvdås sidáv gåhttjot sáme organisasjåvnåjt ja ásadusájt oajvvadusájt buktet bálkkáj, javllá presidænnta Egil Olli.
- Nissunij ja ålmmåj dásseárvo vuoksjuj barggat le álu guhkesájggásasj barggo mij gájbbet sihke gierddisvuodav ja duosstelisvuodav. Danen le viehka ájnas dáv bargov vuojnnusij buktet ja guddnedit, joarkká Olli.
Bálkká máhttá vatteduvvat ájnegis ulmutjijda, juohkusijda, viddnudagájda, organisasjåvnåjda, siebrijda, skåvlåjda jali ietjá almulasj etáhtajda ma dákkir bargos berusti jali li dåjmajt jåhtuj biedjam ma li praktihkalasj dásseárvov nannim ja åvdedam. Dát le nuppát bále bálkká vatteduvvá. Vihtta jage dássta åvddåla bálkká Risten Rauna Maggaj vatteduváj suv bargo åvdås sáme giela ja sáme varresvuodadievnastusáj åvdås ja gárevselga ano vuosstáj.
- Dájna bálkkájn sihtá Sáme parlamentáralasj ráde arvusmahttet bargov dásseárvo vuoksjuj ålmmåj ja nissunij gaskan rijkkarájáj rastá sáme sebrudagájn, javllá Olli.
Sáme parlamentáralasj ráde stivrra dat mierret guhti bálkkáv oadtju. Dásseárvvobálkká le muhtem dájdda ja ruhtabálkká man árvvo le € 10 000. Bálkká vatteduvvá konferánsan ”Ålmmåj iellem sáme birrusin” basádismáno 1. biejve Råmsån.
Oajvvadimájggemierre le gålgådismáno 3. biejve 2012.
Oajvvadusá sáddiduvvi Vuona Sámediggáj:
Sámedigge
Ávjovárgeaidnu 50
9730 Karasjok/Kárášjohka.
Jail: samediggi@samediggi.no.
Aktijvuohta:
Presidænnta Egil Olli, tlf. 900 26 880.