Giellanammadusá njunnjusj , Bård Magne Pedersen, vuojnná stuorra berustimev bargguj mij la álgaduvvam. Nammadus galggá oajvvadit ådå årnigijt, dåjmajt ja njuolgadusájt bisodime ja åvddånime gáktuj ma gulluji julevsáme-, oarjjelsáme- ja nuorttasámegiellaj.
- Mån lav vásedam ájnegis ulmutja ja siebre berusti majt lulujma oajvvadit, ja ållusa gatjádin jus bessi buktet oajvvadusájt nammadussaj, subtsas Pedersen.
Giellanammadus sihtá åttjudit diedojt ålles Sámeednamis, ja danen li válljim biedjat nammadustjåhkanimijt duon dán bájkkáj Vuonan. Sij li juo guossidasstám Kárásjjågåv. Boahtte tjåhkanibme tjadáduvvá vuoratjismánon Tråmsån. Nammadus ájggu aj manádit guossen Snåasan, Guovddagæjnon ja Divtasvuonan.
- Dádjadav sámegielaj dille ja giellaælládahttem la ájnas ållusijda. Danen lip dahkam diehtoværmádagáv nammadusá bargo birra ja sierra e-poassta adressav gåsi ulmutja bessi buktet oajvvadusájt midjij, javllá nammadusá njunnjusj.
Guládallamadræssa : sprakutvalget@kmd.dep.no
Jus sidá ienep diedojt nammadusá ja ájrasjuogo birra, maná dási.
Guládallamdiehto:
Bård Magne Pedersen, nammadusá njunnjusj, tlf. 916 92 360
Liss-Ellen Ramstad, nammadusá dåjmadahka, tlf. 22 24 48 53/95 80 94 51
Ane- Berge Tobias, nammadusá dåjmadahka, tlf. 22 24 48 41/97 73 18 20