Konsultasjon Balsfjord-Skaidi - signert protokoll.pdf 1,05 MB
Sámedigge le konsultasjåvnåj baktu Oalljo- ja energijadepartementajn mierredam ij vuosteldit ådå 420 kV strávvelinjav ásadit Báhccavuona ja Skájde gaskan, vuorddámusájn departemænnta dálla le válljim dáv ásadimev vuorodit ietja ásadimij åvdån dajn dáfojn.
Dát konsesjåvnnåássje guosská viehka stuorra dajvvanággim same guovlon ja galggá suohpoduvvat Vuona guovddelamos ællosujttoduobddágij tjadá. Ællosujto fágalasj merustallama ja konsultasjåvnå ma li tjieldij tjadáduvvam vuosedi da negatijvalasj båhtusa linjas sjaddi noaden sáme ássjijda ma guoskaduvvi linjas.
Linnja aj guosská moadda sáme kultuvrramujtojt linja milta.
Tjårggi strávvesihkarvuodav
-Sámediggeráde le válljim dåhkkidit gávnnu oalle dárbbo strávvesihkarvuodav tjårggit ja dát linnja buktá sihkkaris strávvebuvtadusáv Tråmså ja Finnmárko viesádijda, javllá Sámedikke presidænnta Aili Keskitalo.
Sámediggeráde åvdet ássjev Sámedikke ållestjåhkanibmáj snjuktjamáno álgon árvvalusájn konsultasjåvnnåbåhtusa Oalljo- ja energijadepartementajn dåhkkiduvvi.
-420 kV strávvelinnja le stuorra ja vijdes ásadus. Dan diehti le dát stuorra ja gássjelis ássje sáme sebrudahkaj. Linjav ásadit boahtá duodden åvdep ásadimijda. Gå Sámediggeráde huoman vállji dasi guorrasit, de le dát åvdemusát tjielggidum ájádusájn strávvesihkarvuodas, javllá Keskitalo.
Ienep ráddjidibme
-Sámediggerádáj le tjielgga vuorddámus dákkir stuorra ásadibme merkaj guovdásj oajválattja boahtte ájge åvvånagi ienebut ráddjiji loabev vattátjit ienep ásadusájda duodden dajn bájkijn. Dát guosská ållagattjat ietjá stuorra ásadusájda, buojkulvissan bieggamillopárkajt, javllá Sámedikke presidænnta Aili Keskitalo.
Sihkarasstá vájkkudimfámojt vijdábut
Sámediggáj la læhkám ájnas sáme gejn li rievtesvuoda li oadtjum máhttelisvuodajt oassálastátjit pládnaprosessajda ságastallamij ja konsultasjåvnåj baktu. Ságastallama sjaddi sæmmi ájnnasa vijdábut planeridijn ja iesj ásadijn. Pládna galggá dagáduvvat birás-, suvddem- ja ásadimbargojda.
-Konsultasjåvnåj lip mij oalle dárkkelit tjielggim Statnettan la vælggogisvuohta ællobargo hieredusájt unnedit lahka ságastallamij baktu ællobarggij. Ællobarggo ja gávddaávkkim gen ga tjielden galggi juohkka láhkáj vieleduvvat, javllá Sámedikke presidænnta Keskitalo maŋemusát.
Ienep diedo: Sámedikke presidænnta Aili Keskitalo, 971 29 305
Trasékart_Alta_kommune.pdf 4,02 MB
Trasékart_Balsfjord_kommune.pdf 5,12 MB
Trasékart_Kvalsund_kommune.pdf 3,71 MB
Trasékart_Kvænangen_kommune.pdf 4,24 MB
Trasékart_Kåfjord_kommune.pdf 4,18 MB
Trasékart_Nordreisa_kommune.pdf 4,41 MB
Trasékart_Storfjord_kommune.pdf 4,84 MB