Varresvuohta

Vuonan suohkana vásstedi vuodovarresvuodadievnastusás (duola dagu stuovesdåktårårnigis, dåktårváktas, boarrásijsijdajs, sijddaskihppijsujtos). Stáhtta vásstet sierravarresvuodadievnastusás (skihppijviesojs, hiehtediededimårnigis, ambulánssadievnastusás, psykiatria ásadusájs). Fylkkasuohkana bádnevarresvuodadievnastusájs vásstedi. Fylkkasuohkana galggi aj álmmukvarresvuoda åvdås barggat fylkajn ja galggi suohkanijt viehkedit sijá álmmukvarresvuoda bargon. Nasjonálá oajválattjajn le åvdåsvásstádus dåhkkidahtte varresvuodadievnastusájt sámijda aj fállat.

Sámedigge sihtá:

• Avtaárvvusasj varresvuodadievnastus sámijda man vuodon le sámgiella ja –kultuvrra.
• Ienep máhtudahka sáme giela ja kultuvra birra juohkka dásen varresvuodadievnastusán. Dán åvdås alep dásen vásstedi.