Finnmárko, Tråmså ja Nordlánda fylkkasuohkana ja Sámedigge nammadin uddni sijáj ájrrasijt Vuodnaguollimnammadusán.
- Mij lip oalle dudálattja Vuodnaguollimnammadusá ájrasjuogojn. Dav ájrasjuogov lip oadtjum moatte árvvalusá ja buorre aktisasjbargo baktu gaskanimme, javlli Finnmárko fylkkasuohkanoajvve Runar Sjåstad, Tråmså fylka rádeájras Line Miriam Sandberg, Nordlánda fylka rádeájras Arve Knutsen ja Sámedikke rádeájras Silje Muotka.
Vuodnaguollimnammadus galggá nannit vuodnaguollimij háldadusáv sierra dettujn sáme dábijda. Dat galggá barggat ássjij nåv gå guollimhiebadimij, dåjmaj majna merragádde- ja vuodnaguollimijt nannit, vuodnarájájt biedjat aktan játtij duoddemierij stuorrudagájt ja juohkemijt rabás juohkusin.
- Vuodnaguollimnammadusá ájrrasa ájrasti guhtik aktu ja tjoahkkáj buorre ja ájnas máhttudagájt mij gullu guollimijda, háldadimijda ja sebrudahkaj. Dan diehti le miján åssko Vuodnaguollimnammadus ájnas láhkáj viehket merragádde- ja vuodnaguollimijt positijvva åvddånibmáj nuorttan javlli Sjåstad, Sandberg, Knutsen ja Muotka maŋemusát..
Vuodnaguollimnammadusá ájrrasa nammaduvvi gitta guovte jahkáj ájgen ja sij válljiji ietja ietjasa jådediddjev. Guollimdirektoráhta Finnmárko guovllokontåvrån li tjálledåjma.
Guládallamdiedo:
| Nammaduvvam: | Ájras | Lijggeájras |
| Finnmárko fylkkasuohkanis | Tomas Sagen (47), Lebesby | Bernt Wilhelmsen (63), Porsanger |
| Tråmså fylkkasuohkanis | Jorhill Andreassen (65), Lenvik | Knut Werner Hansen (62), Karlsøy |
| Nordlánda fylkkasuohkanis | Mikal Steffensen (34), Øksnes | Mona Gilstad (54), Vega |
| Sámedikkes | Tone Joakime Nilsen (32), Gamvik | Trond-Einar Karlsen (52), Alta |
| Geir Tommy Pedersen (49), Kåfjord | Ragnhild Sandøy (60), Tromsø | |
| Bente Aasjord (54), Steigen | Ragnhild Melleby Aslaksen (51), Vadsø |