Diehtojuohkem Måskerahte birra

Divtasvuona suohkan sávvá buorre boahtemav diehtojuohkemtjåhkanibmáj Måsken Måskerahte birra, gånnå oattjo diedojt man guhkás barggo åvddåprosjevtajn la jåvsådam. Tebmáoase diehtojuohkemtjåhkanimen li duola dagu geologia, teknihkalasj árvustallama, oajvvadus rahtetraséaj ja biednikgållomierre.

Biejvve: Bierjjedagá ådåjagemáno 14. biejve 2011

Ájgge: Kl 15.30

Sadje: Åvdep Måske skåvlå vieson

Jåhtelisvanás manná Gásluovtas kl 13.40 ja Ájluovtas kl 14.30. Máhttsá Måskes kl 19.35.

Ienep diedojt oattjo Divtasvuona suohkanis, boaksa 104, 8591 Gásluokta, telefåvnnå 75 77 55 00, e-poassta: postmottak@tysfjord.kommune.no jali prosjæktajådediddjes Stig Eriksen, mobijla 950 98 899 baktu.