Fáktádiedo Divtasvuonna birra

Suohkan le nuorttalij guovlojn Nordlánda fylkas, oarjjelap åsijn Ofåhtas. Ienemus oasse viesádijs årru Gásluovtan, Ájluovtan, Stuorgietten ja julevsáme sijdan Måsken.

Divtasvuona suohkanin le sierralágásjvuohta guhka, tjiegŋalis vuonaj ja daj alla rádes várij.
 

Divtasvuona suohkansuoján le sjadde, tjáhppis hummár silbbabájnnum duogátjijn. Suohkansuoján tjuorgaduváj Ester Skoglundas ja dåhkkiduváj Divtasvuona suohkanstivran snjuktjamáno 26. biejve 1987 ja suohkandepartementan snjilltjamáno 31. biejve sæmmi jage. Motijvva Státtas vuostatjin válljiduváj, valla ittjij dåhkkiduvá Rijkaarkijvas.

Divtasvuonan le hummárlåhko mij le vuohtedum værálda nuorttalabmusin. Dát le duogásj suohkansuojána válljimij. Vuostatjin gæhttjalin dåhkkidahttet hummárav gattsaj guovtamuoduk stuorrudagáj navti gåk le hummárin Divtasvuonan. Dát ittjij dåhkkiduvá oajválattjajs Rijkaarkijvan.