Oavdos tjáppa Divtasvuodna

 

Sáme namma le Divtasvuodna. Suohkan le nuorttalij guovlojn Nordlánda fylkas, oarjjelap åsijn Ofåhtas. Rádjá nuortas le Bálága vuossti, ja oarjás ja alás Hábmera vuossti. Suohkanin le guhka rádjá lulás Svieriga vuossti. Divtasvuodna le oasse Nuortta-Sáltos Vestasjjiekkijn ållu lahka. Suohkanin le namma vuonas Divtasvuodna, ja danna li vuona guhkás svierigarájáj vuossti. Divtasvuonan li vihtta vuona ma Divtasvuodnaj li tjanádum: Oarjjevuodna, Rudnávuodna, Spællá, Slabávuodna ja Áhkávuodna. Duodden le Rábekjukso suohkana davemusán.

Váre ja vuona
Divtasvuonan le Vuonarijkka giettsemus. Oarjjevuodna vargga Vuonarijkav guoktáj juohká. Dåssju 6,3 km juohká nuorev svierigarájás. Vuodna tjiegŋalit sárgas luondon. Dánna gávnnap tjiegŋalamos kálkkagierggerájgev ja stuorámus ávtjev Nuortta-Europan.

 

Rádjáduobddágijn ja vuonaj gaskan li duobddága tjåhkåj badjelasj 1500 mehtera, Gihtsetjåhkkå 1520 m.n.b le suohkana alemus, madi nasjonálvárre Stádda 1392 m.n.b le alemus davebuv.

 

Lulás li moadda jiekke gånnå Gihtsetjåhkkå (25 km2) le stuorámus. Gávnnuji guokta luonndoreserváhta suohkanin: Bekkenessuollu (Vuona vuostasj) ja Spællávuodnabahta.

 

Divtasvuona luonndo vuoset álggodålusj duoddarav gånnå jåhkå le bállám giettses, tjiegŋalis ávtjijt. Dá li maŋenagi tjiegŋalappot ja gåbdebuv goajvodum jiehkkijs, ja dá li uddni vuona. Gånnå dá vuona æjvvali de le vuodna 897 m tjiegŋal. Divtasvuodna le navti Nuortta-Vuona tjiegŋalamos vuodna ja lánda nubbe tjiegŋalamos.

 

Álmmuk
Suohkanin le viesátlåhko 2 052 ådåjakmánon 2007. Ienemus oasse viesádijs årru suohkanguovdátjin Gásluovtan gånnå li birrusin 950 viesáda. Duodden årru birrusin 800 ulmutja Ájluovtan, 200 Stuorgietten ja julevsáme sijdan Måsken li 40 viesáda. Nágina aj vuonajn årru.

Guovtegielak
Divtasvuona suohkan le jur julevsáme guovddaguovlon ja navti stuorra oasse álmmugis li sáme, jali sáme máttojs. Ådåjakmáno 1. biejve jagen 2006 Divtasvuodna oasse sjattaj Sámedikke Giellaháldadimguovlos ja dárogiella ja julevsámegiella avtadásálattja sjaddin.

Miellagiddis fálaldagá
Stuorra soado hárjjesvállas bivddemin vuona gidágådo sildáv le turisstafálaldahka maŋŋemus jagijn sjaddam. Duodden várregibttse ålles væráldis Divtasvuodnaj båhti Státtav gibtsotjit.