Ingen sekretær i Kjøpsvik fra kl 10.00 Ingen sekretær på Drag frem...
Ájluovta doajmmapárkka
18.12.2012
Drag Aktivitet ja Drag fotballklubb aktan Divtasvuona suohkanijn aktan jåhtuj biedjin bargov asstoájggefálaldagájt ásadittjat Ájluovtan váj viesádiddjijn le vuogas ja jasska lahkabirás. Dán aktijvuodan ásaduváj Drag Aktivitetspark BA.
Åvddåprosjevta vuodon åtsåj Divtasvuona suohkan rudájt Direktoratet for naturforvaltnigis (DN) 100 % ruhtadibmáj oastátjit birrusij 200 da stuorrusasj åbmudagáv Ájluovtjávre lullebielen.
DN gájbbet regulerimpládna dagáduvvá mij vuoset gåktu oastedum åbmudahka aneduvvá álmmugij ávkken. DN aj gájbbet suohkan ietja hæhttu åhttsen.
Divtasvuona suohkana rolla prosjevtan boahtá åvddån suohkanstivra mærrádusán 2004 gånnå suohkan gájbbet juollodibme gåbttjå gájka gålojt gå oasstet galggá åbmudagáv. Galggá aj sjiehtadaláduvvat Drag Aktivitetspark BA:ajn guovlo dåjma ja åvddånahttema gáktuj åvddål oasstá.
Suohkanstivra mærrádusán boahtá åvddån suohkan regulerimbargov tjadát DN:a gájbbádusáj milta.
Suohkana plánididdje le dal regulerimplánav ållim ja A/S Salten Kartdata le digitaliserim ja kártajt dahkam pládnamanusa milta.
Pládna guosská birrusij 450 dekar ednamis, Ájluovta guovdátjis oarjás ja Ájluovtjávre lullebielen gåsi bæssá rv 827 milta.
Plána ulmme le aktan DN:ajn sihkarasstet ålggoiellemguovlov álmmugij Ájluovtan, sæmmi båttå aj guovlo biejaduvvi plánidum valástallam- ja asstoájggedåjmajda.
Andre nyheter:
Rapporter problemer med offentlige anlegg
Nettstedet FiksGataMi lar innbyggerne rapportere problemer med offe...
Ny: Renovasjon i Kjøpsvik
Det er blitt satt opp en ekstra rute fredag den 30.01.15
Gå til portalen
