"Mån lev værálda tjuovgga", javllá Jesus.

Jesus javllá: "Guhti muv tjuovvu ij sjievnnjedin vájalda, ájnat sujna le iellema tjuovgga.” (Joh 8,12). Gidán biejvve suojmma buktá iellemav luonnduj, navti Kristus midjij boahtá ihkeva iellema vattáldagájn. Majt dat mierkki? Mij le ihkeva iellem?

Jesus riegádij muhtem stállan Betleheman. Sån lij Jubmel ja almasj sæmmi båttå. Sujna lidjin æjgáda dagu miján li uddni. Maria ja Josef lijga suv æjgáda. Sån bajássjattaj Nasaretan. Gástaduváj dagu dådnå ja månnå. Manádij ja åhpadij ja sárnnedij. Jubmela rijka birra sárnnedij, rievtesferdugahtesvuoda vuosstij hålaj, oavdojt dagáj ja skihppijt buoredij. Dav dagáj aktan 12 åhpadisålmmåj. Mujtá gus sijáj namájt? Ådå testamentan besa Jesusa birra låhkåt.


Jesusin lidjin moadda namá:


Jesus

Ejga la Maria ja Josef gudi mierredijga suv namma galgaj Jesus. Muhtem ieŋŋgil Mariaj subtsastij máná namma galgaj Jesus. Jesus-namma mierkki: Jubmel lånes. Dát namma lij dábálasj namma dallusj Israelan.

Kristus

Kristus le gånågis. Kristus mierkki sån guhti le vuojdadum. Dallusj ájgen vuojdaduváj gånågis uljujn oajven gå gånågissan biejaduváj.

Jesus Kristus

Gå dá guokta namá aktan aneduvvi de dat mierkki: Jesus le Messias. Sån le dat gånågis guhti le loabedum ja guhti galggá lånestit.

Jubmela bárnne

Namma subtsas Jesus le Jubmela bárnne. Jesus dáv namáv ietjas birra adná.

Hærrá

Dát namma ienemusát aneduvvá. Jesus le jábmema badjel vuojttám ja le dan hærrá.

Libba

Dát namma aneduvvá gå sjaddá sáhka majt Jesus dagáj. Mijá suttoj diehti sjattaj Jesus værron. Rámádin subtsastuvvá lippav værrodi.

Almatjabárnne

Dáv namáv le dåssju Jesus iesj ietjas birra adnám.

Rámádin buohtastahteduvvá biejvve Jesusijn, tjuodtju Jesusa muohto lij biejve lágásj, ålles fámos bájttemin (Big. 1, 16). Sij gudi Jesus Kristusij jáhkki gåhttju ietjasa ristagissan. Majt sihtá javllat Jesus Kristusij jáhkket? Assisia Fránssa sidáj guojmestis iehttset suv åvdås dievnnudijn. Boandás iellemav guodij. Gåhtjoj låttijt, juhtusijt, giedjegijt ja sjattojt ietjasa oabbán ja vielljan. Lågå Assisia Fránsa andaktav gånnå juhtusij ságas.