Gå dagáv juojddáv mij ij lim buorre, de hådjånav ja ánov ándagis. Majt dal ájn mierkki ádnot ándagis? Gåktu diehtep nágin ietjes le mijáv ándagis luojttám? Gåktu diehtep iesj lip iehtjádav ándagis luojttám? Dán råhkålvisán råhkådallap Jubmel mijájt ándagis luojttá gå dav ádnop dajna jáhkujn jut sån le mijá vájmon. Agev dahkap juojddáv mij ij le buorre juohkka biejve massta hæhttup javllap ándagis Jubmelij.

Låvdagoahte le årromsadje, bårråmsadje ja hávsskudallamsadje. Låvdagoahte suojev vaddá ja mierkki almatjij vájaldibme ja ulmme. 

 

låhkåp jåhtte almatjij birra gudi teltajn årrun. Duola dagu Abraham åroj teltan aktan Isakijn ja Jakobijn (Hebr. 11,9) ja Moses teltav biejaj lejra ålgusjbælláj (2. Mos 33,7). 

 

Guoddeådnårisá låvdagoaden soajttá mierkkit Áhtjev, Bárnev ja Ájlis Vuojŋŋanisáv. Ja då ietjá ådnårisá li ulmutja gudi ietjasa iellemijt daj nanna biggiji.