Diedák mij bahá le? Li gus dago jali ájádusá almatjijn ma li bahá? Le gus nav jut bahás ulmusj le bahá ålles iellemav tjadá – jali dåhkki gus liehket vehi bahás duolloj-dálloj, valla ietján buorre ulmusj? Råhkådallap mijá almmelasj Áhttje mijáv bahás várjjal.

 

Råhkådallap Jubmel midjij vaddá fámov baháv dårudallat, jut mijáv rájnni váj mijá ájádusá, bágo ja dago e mijájt jali iehtjádijt báktji. Bahá le juoga mij mijá sinna årru, mav hæhttup dårudallat. Jus dåbddåp bahá mijáv ájttá de le miján viehkke mij mijáv suoddji. Dat le Jesus Kristus. Sån le mijá lahka ietjas namá, ruossamerka, Áhtje mijá ja Jubmela bágo baktu.

 

Majt sihtá javllat bahás várjjaluvvat? Mierkki gus dat ep goassak desti jallas dagojt dagá?

Låvdagoahte le årromsadje, bårråmsadje ja hávsskudallamsadje. Låvdagoahte suojev vaddá ja mierkki almatjij vájaldibme ja ulmme. 

 

låhkåp jåhtte almatjij birra gudi teltajn årrun. Duola dagu Abraham åroj teltan aktan Isakijn ja Jakobijn (Hebr. 11,9) ja Moses teltav biejaj lejra ålgusjbælláj (2. Mos 33,7). 

 

Guoddeådnårisá låvdagoaden soajttá mierkkit Áhtjev, Bárnev ja Ájlis Vuojŋŋanisáv. Ja då ietjá ådnårisá li ulmutja gudi ietjasa iellemijt daj nanna biggiji.