Assisia Fránsa Biejvvelávlla

Guddnedum lehkus dån, Hærrám aktan gájkka majt sjivnnjedam le
sierraláhkáj viellja Biejvve, mij midjij biejvev vaddá,
ja dån midjij tjuovgav dan baktu vattá.
Guddnedum lehkus dån, Hærrám,
Biegga-vielja åvdås ja ilme ja balvaj åvdås

ja alme ja juohkkalágásj dálke åvdås,
danen gå dan baktu dån dibdá gájkka
ietjat sjivnnjádusáv bierggit.
Guddnedum lehkus dån, Hærrám,
Ednam-oappá åvdås, mijá ieddne,
mij mijáv baddjen anet ja guoddá
ja muorjijt ja rásev vaddá
ja bájnos sjattojt. 
 

Assisia Fránssa riegádij jagen1182 Umbrian Italian. Biednikniehkke Fránssa vattij gájkka majt åmastij. Ietjas iellemav vattij råhkådallamij ja hæjojt dievnnutjit: Jubmela sjivnnjádusáv guddnedij ietjas iellema baktu. Ietjas dåbdojt ilmodij tjáppa diktaj ja girjij baktu.

Lågå ienep suv birra  dâppe

Rámádin buohtastahteduvvá biejvve Jesusijn, tjuodtju Jesusa muohto lij biejve lágásj, ålles fámos bájttemin (Big. 1, 16). Sij gudi Jesus Kristusij jáhkki gåhttju ietjasa ristagissan. Majt sihtá javllat Jesus Kristusij jáhkket? Assisia Fránssa sidáj guojmestis iehttset suv åvdås dievnnudijn. Boandás iellemav guodij. Gåhtjoj låttijt, juhtusijt, giedjegijt ja sjattojt ietjasa oabbán ja vielljan. Lågå Assisia Fránsa andaktav gånnå juhtusij ságas.