Konfirmasjåvnnå
Gásta baktu sjaddap oassen ristagis girkkos. Æjgáda ja fáddara máná åvdås dáv dahki. Konfirmasjåvnån nuora ietja åvdåsvásstádusáv válldi. Danen le luondulasj juohkkahattjaj guhti le girkkon gástaduvvam, girkkon aj konfirmeriduvvat. Konfirmasjåvnnå mierkki duodastus. Konfirmasjåvnån duodas Jubmel jut loahpádusá majt gástan vattij, ájn li ájmon.
Konfirmasjåvnnåájgen besa ienep diehtet ietjat jáhko birra, Rámáda birra ienebuv oahppat, ristagis jáhko birra ságastit, girkkuj oahppásin sjaddat, ådå ájádusájt oadtjot iellema birra, ja berustahttáj girkko, bájkálasj sebrudagá ja værálda åvdås.
Mij le ájnnasamos sivva gå sidá konfirmeriduvvat? Mav ietjat konfirmasjåvnnåájge gáktuj sávada?
Lågå ienebut konfirmasjåvnå birra dappe.
Sisano birra
Tjáhtje le guovdátjin mijá árkkabiejven ja sæmmi aj jáhkkoåhpadusán. Tjáhtje le fámo ája ja iellemav vaddá. Juhkusav ájan gávnnap.
Tjáhtje le danna juo åvddål sjivnnjádusá gietjav biejve. Javladuvvá tjáhtje ja Jubmela Vuojŋŋan juo le dåppe, juo åvddål sjivnnjádus ietján dáhpáduvvá. Tjáhtje gástan aneduvvá. Lutheralasj girkko le dábálasj jut gástaduvvá mánnán, ájnat maŋenagi le aj sjaddam dábálasj lågenanjagágin jali ållessjattugin gástaduvvat. Gå mánná gástaduvvá, de sån guhti mánáv gástat, gålmmi goajvvis vehi tjátjes máná oajve nali ja mánáv gástat Áhtje, Bárne ja Ájlis Vuojŋŋanisá namán. Jubmela bágo dagá gástan de le tjáhtje dåssju tjáhtje.
Tjáhtje mij gástan aneduvvá le ájlis gå Jubmela bágo siegen aneduvvá. Sijddagástadahttijn de guotteduvvá tjáhtje mij aneduvvá, ållu ålgus, goade lulásjbælláj jali sajijda gåsi ulmutja e duolmo.
Girkko vuostasj ájgen lij konfirmasjåvnnå oassen gástas. Praktihkalasj siváj diehti iereduváj konfirmasjåvnnå gástas. Danen sierra dahkon aneduváj, ja maŋenagi sierra sakramenntan duodden gásstaj. Juohkka jage sulle 40 000 nuora Vuona girkkon konfirmeriduvvi.
Velg emne:
