Javllamus Mariaj

Usjudalá vuostak dán birra:

· Gåktu jáhká le æjgádin sjaddat lågenanjagágin?

· Mij jáhká soajttá ienemus hásstalussan sjaddat gå galggá nuorran æjgádin sjaddat?

· Gåktu jáhká le iesselissan sjaddat stuoves gasskavuoda ålggolin? 

 

Lågå subttsasav Maria birra Lukasin 1, 26-38.

 

· Mij le dán tevsta sisadno?

· Makkir tiemá li fáddan tevstan?

· Majt usjudalá gå tevstav lågå?

· Gejt iejvvip subttsasin?

· Majt oadtjop diehtet Maria birra? Majt oadtjop diehtet ieŋŋgila Gabriela birra?

· Majt Maria dahká gå oadtju ieŋŋgilav guossáj?

· Majt ieŋŋgil Mariaj javllá?

· Mij le Maria måråj dasi majt ieŋŋgil subtsas?

· Majt ieŋŋgil Jubmela birra javllá?

· Gej soajttá sæmmi lágásj åtsådallama dagu Maria ja Josef uddni?

· Gåktu nuora gudi uddni iesselissan sjaddi vuosstáj váldeduvvi?

· Majt usjudalá dan birra gå muhtem nuora hasoduvvi tsuovkkanittjat?

·Gåktu beras lulujin nuorra næjtso ja báhtja gudi æjgádin sjaddaba, vuosstáj váldeduvvat? 

 

Lågå subttsasav ájn akti ja usjudalá dán birra: 

 

· Majt máhttep dahkat nuoraj åvdås gudi æjgádin sjaddaba?

· Gåktu máhtti nuora gudi æjgádin sjaddi vásedit Jubmel le sijá siegen, dagu Jubmel lij Maria ja Josefa siegen?

Tjáhtje le guovdátjin mijá árkkabiejven ja sæmmi aj jáhkkoåhpadusán. Tjáhtje le fámo ája ja iellemav vaddá. Juhkusav ájan gávnnap.

Tjáhtje le danna juo åvddål sjivnnjádusá gietjav biejve. Javladuvvá tjáhtje ja Jubmela Vuojŋŋan juo le dåppe, juo åvddål sjivnnjádus ietján dáhpáduvvá. Tjáhtje gástan aneduvvá. Lutheralasj girkko le dábálasj jut gástaduvvá mánnán, ájnat maŋenagi le aj sjaddam dábálasj lågenanjagágin jali ållessjattugin gástaduvvat. Gå mánná gástaduvvá, de sån guhti mánáv gástat, gålmmi goajvvis vehi tjátjes máná oajve nali ja mánáv gástat Áhtje, Bárne ja Ájlis Vuojŋŋanisá namán. Jubmela bágo dagá gástan de le tjáhtje dåssju tjáhtje.

Tjáhtje mij gástan aneduvvá le ájlis gå Jubmela bágo siegen aneduvvá. Sijddagástadahttijn de guotteduvvá tjáhtje mij aneduvvá, ållu ålgus, goade lulásjbælláj jali sajijda gåsi ulmutja e duolmo.

Girkko vuostasj ájgen lij konfirmasjåvnnå oassen gástas. Praktihkalasj siváj diehti iereduváj konfirmasjåvnnå gástas. Danen sierra dahkon aneduváj, ja maŋenagi sierra sakramenntan duodden gásstaj. Juohkka jage sulle 40 000 nuora Vuona girkkon konfirmeriduvvi.