Gieresvuoda evangelium
Gieresvuohta le gierddis ja buorre. Gieresvuohta ij le udnodibme, ij ga ietjas rámpo, ij ga stuorástalá. Ij le hæhkkaráduk, ij ga ietjastalle, ij le suhtisj, ij ga bahájt vuorkuda.
De bissu dá gålmmå: Jáhkko, doajvvo ja gieresvuohta, ja dajs gájkin stuorámus le gieresvuohta. 1.Kor 13, 4-5,13
Grehkagiellaj gávnnuji gålmmå bágo ma mierkkiji gieresvuohta: Eros, phileos ja agape.
Eros le gieresvuohta ålmmå ja nissuna gaskan.
Phileos le gieresvuohta guojmmealmatjijda jali gieresvuohta almatjij gaskan ráddnan.
Agape, jubmelasj gieresvuohta, gieresvuohta mij Jubmelin le. Dáv gieresvuodav lip vájmojnimme oadtjum Ájlis Vuojŋŋanisá baktu.
Sisano birra
Rámádin buohtastahteduvvá biejvve Jesusijn, tjuodtju Jesusa muohto lij biejve lágásj, ålles fámos bájttemin (Big. 1, 16). Sij gudi Jesus Kristusij jáhkki gåhttju ietjasa ristagissan. Majt sihtá javllat Jesus Kristusij jáhkket? Assisia Fránssa sidáj guojmestis iehttset suv åvdås dievnnudijn. Boandás iellemav guodij. Gåhtjoj låttijt, juhtusijt, giedjegijt ja sjattojt ietjasa oabbán ja vielljan. Lågå Assisia Fránsa andaktav gånnå juhtusij ságas.
