Snåsa girkkon
Mihttsamára jubmeldievnastusáj, sáme girkkoguossodiddje aneduvvi saemien vaarjoeh baddjen koran. Jubmeldievnastusán sámegiella aneduvvá gå rámáttevsta, sálma ja oasse liturgijas sámegiellaj tjadáduvvá. Dát målssu jages jahkáj.
Gå girkkuj boahtá, de dalága vuojnná eatneme, tjuovggagloba sáme ruossajn. Dat girkkuj vatteduváj ja le bájkálasj smirjos dagádum.
Ájnegis ulmutja berustimijn, duola dagu Martha Jåma ja Maja Dunfjell li girkkov ruoppsis tydjaj hiervvim: mæssohágel, gålmmå antependija (gåbtjås álltára/låhkåmpulta/sárnneståvlå åvdån) Martha Jåmas daddnidum. Báhpa ruodná stolan le sáme ornamentihkka – Martha Jåmas daddnidum.
Tjoaggulvisán tevsta lågåduvvi sámegiellaj moaddi jahkáj. Sámegiellaj lávllu. Sáme liturgija sierralágásj aktijvuodajn aneduvvá.
Girkkogárden gávnnuji hávde sáme hámijn, dat sihtá javllat tjáppa luonndogierge, sáme tæksta ja/jali sáme ornamentihkka.
Sisano birra
Girkkon aktijvuohta nanniduvvá. Bessap ristagis aktijvuohtaj Jubmelijn ja nubbe nuppijn jáhko baktu Jesus Kristusij. Jubmel ij sidá galggap aktu liehket ristagisá. Jubmeldievnastusán dát aktijvuohta vuojnnusij boahtá gå lip aktan jáhkkodåbdåstusá, iehkedismállása, råhkålvisá ja sálmaj birra. Áhttje Mijá le dat råhkålvis mav Jesus iesj le midjij oahppam.
Jubmeldievnastus sisadná moadda ássje: rámáttevsta, sárnne, råhkålvisá, sálma ja iehkedismáles. Juohkka sådnåbiejve muhtem mierredum tiebmá, låggŋiduvvá, mij le vuodon rámáttevstaj, sárne ja sálmaj válljimin. Jubmeldievnastusán le sierra liturgija gásstaj, konfirmasjåvnnåj, hávddádibmáj ja hedjaj. Juohkkahattjan le mierredum dahkamus jali rolla, ja gájkka mij dáhpáduvvá le årniga milta.
Gåktu le jubmeldievnastus sáme jubmeldievnastus? Sámegiela ano diehti? Girkkohervaj baktu? Sárne, råhkålvisáj jali liturgija sisadno? Musihkka? Sij gudi jubmeldievnastusán oassálassti?
Sárnne ja sálma sámegiellaj li viehkken gå le sáme jubmeldievnastus. Girkkotsiekkadus, dájdda ja symbåvlå girkkon li viehkken girkkotsiekkadusáv sáme birástahkan ásadit. Liturgalasj biktasa majt báhppa, kantor ja katekehta adni, li viehkken sámevuodav vuojnnusij buktet bájnoj, symbåvlåj ja minsstarij. Bájkálasj girkko ja tjoaggulvisráde sihtá jubmeldievnastusáv hiebadit váj juohkkahasj bájkálasj sebrudagán váset girkkov ietjas girkkon.
Velg emne:
