1. E dujna galga ietjá jubmela gå mån.

Galggap jubmelbalulattjan suv iehttset, sunji gájkin ienemusát dårvustit ja åsskot.

Vuostasj budá javllá gávnnu dåssju akta Jubmel ja sån le gájkaj áhttje.

Álu Jubmelav ”vajálduhttep”, ja ietjá diŋgajt jali almatjijt guddnedip gå ilá ållo ájgev, fámojt ja rudájt dakkárijda gållådip.

Gávna gåktu máhtá Jubmelij ietjat gieresvuodav vuosedit.

Dållå lieggi, tjuovgav ja lahkavuodav buktá. Dållå snjibttju, viessu. Muhttijn le hásstalus oadtjot dålåv buolátjit juohkka lágásj dálken ja duobddágin. Sámegielan li sierra bágo dållåj mij le ålggon, stuorrudagá milta, makkir dållåmuorra le, duobddága gånnå dållip ja moadda ietjá faktora vaddi iesjguhtik namáv dållåj.

Dålå birra árrangiergijt biedjap váj ep miehtsev birra bieste buollát. Jubmel le ietjas álmmugij vaddám giergijt 10 budáj. Mij dá lågev budájn tjuodtju? Jubmel Mosesij budájt vattij váj Israela álmmuk galgaj viehkev oadtjot aktan viessot vuogas láhkáj.

Dållå lieggi ja le luondulasj tjåhkanimsadje midjij.