3. Galga vuojŋastimbiejvev ájllisin adnet.

Galggap jubmelbalulattjan suv iehttset, vaj sárnev ja Jubmela bágov ep álbeda, ájnat dav ájllisin adnep, miellusit gulldalip ja oahppap.

Jubmel almev ja ednamav gudán biejven sjivnnjedij ja giehttjit biejve vuojŋadaláj. Jubmel vuojnij ulmutja vuojŋadimbiejvev dárbahin váj árggabiejve stressas ja sjuttes bessi vuojŋadit. Vuojŋastimbiejvev ájllisin adnet mierkki dav biejvev galggap Jubmelij vaddet. Máhtá jubmeldievnastussaj vuolgget. Jali råhkådallat æjgádij, oarbbenij jali iehtjádij siegen, jali Rámádin låhkåt jali ságastallat muhtem ássje birra Rámádis. Jubmelij råhkådallap ja Suv guddnedip duola dagu gå jubmeldievnastussaj mannap, Rámádav låhkåp ja råhkådallap.

Gåktu dij sådnåbiejvev ávvudallabihtit?

Dållå lieggi, tjuovgav ja lahkavuodav buktá. Dållå snjibttju, viessu. Muhttijn le hásstalus oadtjot dålåv buolátjit juohkka lágásj dálken ja duobddágin. Sámegielan li sierra bágo dållåj mij le ålggon, stuorrudagá milta, makkir dållåmuorra le, duobddága gånnå dållip ja moadda ietjá faktora vaddi iesjguhtik namáv dållåj.

Dålå birra árrangiergijt biedjap váj ep miehtsev birra bieste buollát. Jubmel le ietjas álmmugij vaddám giergijt 10 budáj. Mij dá lågev budájn tjuodtju? Jubmel Mosesij budájt vattij váj Israela álmmuk galgaj viehkev oadtjot aktan viessot vuogas láhkáj.

Dållå lieggi ja le luondulasj tjåhkanimsadje midjij.