6. I galga gállasjvuodav doadjet
Galggap jubmelbalulattjan suv iehttset, vaj rájnnasin ja vigedibmen ájádusájn, bágojn ja bargojn viessop. Gállasjguojmitja galggaba guojmeska iehttset ja guddnedit.
Jubmel le gieresvuodav ja seksualitehtav sjivnnjedam; aktisasj iellemav almatja ja nissuna gaskan. Juohkkahasj galggá gállasjvuodav vieledit, ja aktisasj iellemav suoddjit. Gudi guhtik guojmeska iehttseba, libá åskulattja, váj aktijvuodan le hávsske ja duohtavuohta.
Majt dat sisadná ”gállasjvuodav doadjet”? Le gus gå gállasjguojmitja nubbe nuppes sirraba? Guovtes gudi aktan årroba sirraba? Jali le gus juoga ienep?
Sisano birra
Dållå lieggi, tjuovgav ja lahkavuodav buktá. Dållå snjibttju, viessu. Muhttijn le hásstalus oadtjot dålåv buolátjit juohkka lágásj dálken ja duobddágin. Sámegielan li sierra bágo dållåj mij le ålggon, stuorrudagá milta, makkir dållåmuorra le, duobddága gånnå dållip ja moadda ietjá faktora vaddi iesjguhtik namáv dållåj.
Dålå birra árrangiergijt biedjap váj ep miehtsev birra bieste buollát. Jubmel le ietjas álmmugij vaddám giergijt 10 budáj. Mij dá lågev budájn tjuodtju? Jubmel Mosesij budájt vattij váj Israela álmmuk galgaj viehkev oadtjot aktan viessot vuogas láhkáj.
Dållå lieggi ja le luondulasj tjåhkanimsadje midjij.
