![mainBack](design/gfx/mainDekor.jpg)
![](bilder/13670Gamme+komse.jpg)
7. I galga suoládit.
Galggap jubmelbalulattjan suv iehttset, vaj ep guojmestimme Suv biednigijt jali åbmudagájt válde, ep ga dajt allasimme vieret jalik bæhttogisát ásada, ájnat viehkedip vaj suv åbmudahka ájmon bissu ja lassán.
Suoládit le gå iehtjádis váldá mij ij dunji gullu. Dát soajttá liehket nav ållo – báŋkas biednigijt suoládit ja dáhtámasjijnav muhtem kontåvrås jali ”luojkkat” vaskunav váni æjgádav diehtten dahkat ja de dav ”vajálduhttet” ruoptus vaddet. Dat máhttá aj liehket iehtjádijs biehttet jali válldet mij ij midjij gullu. Rámát aj javllá ep boahtte buolvas galga suoládit. Gåktu le vejulasj boahtte buolvas suoládit?
![](design/gfx/ikonBaal.gif)
Sisano birra
Dållå lieggi, tjuovgav ja lahkavuodav buktá. Dållå snjibttju, viessu. Muhttijn le hásstalus oadtjot dålåv buolátjit juohkka lágásj dálken ja duobddágin. Sámegielan li sierra bágo dållåj mij le ålggon, stuorrudagá milta, makkir dållåmuorra le, duobddága gånnå dållip ja moadda ietjá faktora vaddi iesjguhtik namáv dållåj.
Dålå birra árrangiergijt biedjap váj ep miehtsev birra bieste buollát. Jubmel le ietjas álmmugij vaddám giergijt 10 budáj. Mij dá lågev budájn tjuodtju? Jubmel Mosesij budájt vattij váj Israela álmmuk galgaj viehkev oadtjot aktan viessot vuogas láhkáj.
Dållå lieggi ja le luondulasj tjåhkanimsadje midjij.
![mainTail3spalte](design/gfx/mainTail2spalte.gif)