8. I galga guojmát vuosstij vieret vihtanasstet.
Galggap jubmelbalulattjan suv iehttset, vaj ep guojmáma biehte, suv birra boaktjot håla, gielesta jalik mavga baháv sárno, ájnat suv bælostip, suv birra buorev hållap ja gájkka buore guovlluj usjudip.
Dát mierkki ep galga iehtjádij birra subtsastit mij ij la sádnes, dåssjedis ságajt låvgijdit jali gielestit. Dåssjedis sága soajttá hávvádahtti suv guhti dajs dejvadallá. Dåssjedis sága álu sjaddi, ja gássjel le dajt ganugahttet. Danen – ale dåssjedis ságajt iehtjádij birra subtsasta. Jus sidá sádnesvuodav muhtemis, de gatjáda sujsta njuolgga. Navti iehpedádjadusájt gádoda.
Le gus dån goassak sádnesvuodav tjiehkam gå galggi lulu dav bigodit? Manen navti gevaj? Balli gus bælkkudallamis?
Sisano birra
Dållå lieggi, tjuovgav ja lahkavuodav buktá. Dållå snjibttju, viessu. Muhttijn le hásstalus oadtjot dålåv buolátjit juohkka lágásj dálken ja duobddágin. Sámegielan li sierra bágo dållåj mij le ålggon, stuorrudagá milta, makkir dållåmuorra le, duobddága gånnå dållip ja moadda ietjá faktora vaddi iesjguhtik namáv dållåj.
Dålå birra árrangiergijt biedjap váj ep miehtsev birra bieste buollát. Jubmel le ietjas álmmugij vaddám giergijt 10 budáj. Mij dá lågev budájn tjuodtju? Jubmel Mosesij budájt vattij váj Israela álmmuk galgaj viehkev oadtjot aktan viessot vuogas láhkáj.
Dållå lieggi ja le luondulasj tjåhkanimsadje midjij.
