10. I galga hibmodit juojddáv mij iehtjádij gullu.
Galggap jubmelbalulattjan suv iehttset, vaj ep guojmáma gálatjav jali suv barggijt allasimme giese, duolgoda jali loakke, ájnat sijáv vágodip ja alodip jáhkkogisát dahkat mav galggi.
Ij la agev álkke dåhkkidit iehtjádijn le ienep gå miján le. Hibmodit le sæmmi gå iehtjádijt unudit.
Gåktu le ulmusj gå le udnodis?
Sisano birra
Dållå lieggi, tjuovgav ja lahkavuodav buktá. Dållå snjibttju, viessu. Muhttijn le hásstalus oadtjot dålåv buolátjit juohkka lágásj dálken ja duobddágin. Sámegielan li sierra bágo dållåj mij le ålggon, stuorrudagá milta, makkir dållåmuorra le, duobddága gånnå dållip ja moadda ietjá faktora vaddi iesjguhtik namáv dållåj.
Dålå birra árrangiergijt biedjap váj ep miehtsev birra bieste buollát. Jubmel le ietjas álmmugij vaddám giergijt 10 budáj. Mij dá lågev budájn tjuodtju? Jubmel Mosesij budájt vattij váj Israela álmmuk galgaj viehkev oadtjot aktan viessot vuogas láhkáj.
Dållå lieggi ja le luondulasj tjåhkanimsadje midjij.
