Gássta le sakramennta

Gássta le sakramennta. Sakramennta le konkrehta girkkolasj dahko, vuojnos mærkka jut Jubmel juojddáv mijáj sinna, mijájn jali mijá åvdås dahká mav ep ietjama tjalmij buvte vuojnnet. Ådå testamenta milta le gássta Jesus Kristusis álgaduvvam. Ienemus åsskosebrudagájn javladuvvá ”Áhtje, Bárne ja Ájlis Vuojŋŋanisá namán” (gålmaktesvuohtajavllam) madi tjátjev goajvvi. Jáhkkep aj Ájlis Vuojŋŋanisáv oadtjop gå gástaduvvap. Jáhkkep Jubmel juojddáv mijáj dahká gástan.

Fáddarij dahkamus le vihtanit gå mánná gástaduvvá, ja mánáv bajássjattadijn tjuovvot. Fáddara hæhttuji liehket binnemusát 15 jage vuoras ja Vuona girkko gásstavuojnov dåhkkidit.


• Muhtema sihti mánáv gástadit njuolgga maŋŋel gå la riegádam. Sij sihti máná aktijvuohta Jubmelijn le årnigis jus juoga soajttá dáhpáduvvá mánnáj.
• Gástan le lahka aktijvuohta máná ja Jubmela gaskan – ja máná æjgádij ja fáddarij gaskan. Sij sihti dát aktijvuohta le sijddaj tjanáduvvam.
• Máná sijdan gástaduvvi uddni danen gå dat le dáhpe muhtem sajijn, jali mánná le skibás ja æjgáda sihti mánná galggá gástaduvvam jus hæhkkat jábmá.
 

Makkir vælggogisvuoda li dujna fáddarin?
 

Tjáhtje le guovdátjin mijá árkkabiejven ja sæmmi aj jáhkkoåhpadusán. Tjáhtje le fámo ája ja iellemav vaddá. Juhkusav ájan gávnnap.

Tjáhtje le danna juo åvddål sjivnnjádusá gietjav biejve. Javladuvvá tjáhtje ja Jubmela Vuojŋŋan juo le dåppe, juo åvddål sjivnnjádus ietján dáhpáduvvá. Tjáhtje gástan aneduvvá. Lutheralasj girkko le dábálasj jut gástaduvvá mánnán, ájnat maŋenagi le aj sjaddam dábálasj lågenanjagágin jali ållessjattugin gástaduvvat. Gå mánná gástaduvvá, de sån guhti mánáv gástat, gålmmi goajvvis vehi tjátjes máná oajve nali ja mánáv gástat Áhtje, Bárne ja Ájlis Vuojŋŋanisá namán. Jubmela bágo dagá gástan de le tjáhtje dåssju tjáhtje.

Tjáhtje mij gástan aneduvvá le ájlis gå Jubmela bágo siegen aneduvvá. Sijddagástadahttijn de guotteduvvá tjáhtje mij aneduvvá, ållu ålgus, goade lulásjbælláj jali sajijda gåsi ulmutja e duolmo.

Girkko vuostasj ájgen lij konfirmasjåvnnå oassen gástas. Praktihkalasj siváj diehti iereduváj konfirmasjåvnnå gástas. Danen sierra dahkon aneduváj, ja maŋenagi sierra sakramenntan duodden gásstaj. Juohkka jage sulle 40 000 nuora Vuona girkkon konfirmeriduvvi.