Ájlis duobddága váren

Álu dålusj sáme ájlis bájkijt guossidav. Muhtem sierralágásj ráfe le dájn bájkijn. Álu le várdudahka dákkir bájkijs ja da li sierralágátja duobddágin. Usjudaláv mijá ájttegijt gudi dájda bájkijda båhtalin. Båhtin ietjasa mårråhij boahtteájge hárráj ja ádnun viehkev gå skihpudagá ja jábmem ládin. Jáhkáv aj lidjin gijttevattja ja sihtin dav javllat gå moarsse/irgge lij javllam ”sidáv” ja sæmmi aj æjgáda, gå mánná lij riegádam, gå muhtem skihppe lij varresvuodav ruopptot oadtjum ja gå bierggijin dassta mav luonndo vattij. Usjudaláv aj makkir vuollegasjvuodajn dákkir bájkijda lahkanin. 

                                                                                                                               Oarjjelsáme báhppa Bierna Leine Bientie Mij le dunji ájlis bájkke?

Jali le gus diján ájlis bájkke lahkusin?

Máhták gus dan birra tjállet ja ihkap aj gåvåv sáddit?