Jesusa vierrek
Jubmela sidot lij vierregav joarkket. Jesus aj slæktaj ja fámilljaj gulluj. Rámádin máhttep Jesusa vierregav tjuovvot gitta Abrahama ájges.
Davida máddaga baktu galggap åsijt gehtjadit:
David gånågis, nubben stuorámus gånågis Israelan, ja sån Juda vierregij gulluj. Suv máttarádjá namma lij Boas ja máttaráhko namma lij Rut. Ádjá namma lij Obed. Davida áhttje, Isai, lij Betlehemas ja sujna lidjin 8 bárne. David lij nuoramus vieljajs. Davida maŋŋela sjattaj Salomo gånågis. Sån lij Davida ja Batseba bárnne. David ja Batseba aj áddján ja áhkkon sjattajga, ja akta sunnu áddjovijs lij Rehabeam, guhti ietjas áhtjev Salomov tjuovoj gånågissan. Ja Rehabeam maŋŋela suv bárnne Abiam gånågissan sjattaj. Abiam lij Davida ja Batseba máttaráddjov ja –áhkkov ja David lij suv máttaráddjá ja Batseba suv máttaráhkko. Rámádin tjuovvop Davida máttov gitta Jesusa riegádibmáj.
Sisano birra
Rámádin subtsastaláduvvá iellema muora ja máhto muora birra. Muorra mij diedij buore ja bahá birra. Rámádin li moadda gåvå ma diŋgajt gåvvidi. Jesus anij árkkabiejve gåvåjt ietjas gåvvidittjat. Muhtem subttsasin gåvvi ietjas vijnnamuorran, ja mij ulmutja lip oavse.
Soahke le muorra mij juohkka sajen mijá guovlon gávnnu. Danna le ruohttsa, oavse ja lasta ma aktan gulluji. Allagin ja sárggadin tjuodtju suojen, valla aj roahkkot ja dæbtjodum biekkos sajijn. Soahke le duodjeábnas, buolládahka ja suodjen. Soahke soajttá mierkkit ulmutja iellemav gå soage vijddáni valla daj vuodon le aktisasj ruohttsa. Ruohtsa vaddi gullevasjvuodav ja jasskavuodav. Åvdep buolvajda lip tjanádum, fuolkkáj.
Jesus ruossinávlliduváj. Ruossa le muoras dagáduvvam, ja le vuojttomærkkan sjaddam gå Jesus le jábmemis bajástjuodtjelam. Ruossa muora nanna mijá lånåstusá vuodo Jesus Kristusin biejaduváj.
Velg emne:
