Rájadusgåhttjom

Gulldalup mijá Hærrá Jesus Kristusa gåhttjomav ájlis gástadusá birra:
 

Munji le gájkka fábmo almen ja ednamin vatteduvvam.

Mannit dan diehti gájkajt álmmugijt åhpadisålmmån dagátjit:

gástadattijn sijáv Áhtje ja Bárne ja Ájlis Vuojŋŋanisá namán

ja åhpadihtit sijáv gájkka mujsta vaddem budájt anodit.

Ja mån lev dijá lunna gájkajt biejvijt gitta værálda nåhkåmij.Meg er gitt all makt i himmel og på jord.

( Matt 28, 18-20)

Tjáhtje le guovdátjin mijá árkkabiejven ja sæmmi aj jáhkkoåhpadusán. Tjáhtje le fámo ája ja iellemav vaddá. Juhkusav ájan gávnnap.

Tjáhtje le danna juo åvddål sjivnnjádusá gietjav biejve. Javladuvvá tjáhtje ja Jubmela Vuojŋŋan juo le dåppe, juo åvddål sjivnnjádus ietján dáhpáduvvá. Tjáhtje gástan aneduvvá. Lutheralasj girkko le dábálasj jut gástaduvvá mánnán, ájnat maŋenagi le aj sjaddam dábálasj lågenanjagágin jali ållessjattugin gástaduvvat. Gå mánná gástaduvvá, de sån guhti mánáv gástat, gålmmi goajvvis vehi tjátjes máná oajve nali ja mánáv gástat Áhtje, Bárne ja Ájlis Vuojŋŋanisá namán. Jubmela bágo dagá gástan de le tjáhtje dåssju tjáhtje.

Tjáhtje mij gástan aneduvvá le ájlis gå Jubmela bágo siegen aneduvvá. Sijddagástadahttijn de guotteduvvá tjáhtje mij aneduvvá, ållu ålgus, goade lulásjbælláj jali sajijda gåsi ulmutja e duolmo.

Girkko vuostasj ájgen lij konfirmasjåvnnå oassen gástas. Praktihkalasj siváj diehti iereduváj konfirmasjåvnnå gástas. Danen sierra dahkon aneduváj, ja maŋenagi sierra sakramenntan duodden gásstaj. Juohkka jage sulle 40 000 nuora Vuona girkkon konfirmeriduvvi.