Lulesamiska (pdf, 219 kB) 
Girkkoválljim ragátmáno 18.b. Dån vállji.
Svieriga girkkon li ienep gå 7 miljåvnnå sebrulattja ja doarjoduvvá ulmutjijs gudi sihti girkkuj säbrrat ja åvdåsvásstádusáv válldet, åvdedit ja hábbmit girkko boahtteájgev. Ragátmáno 18 b. li gájkka sebrulattjajn gudi li 16 jage dävddám ja li álmmuktjáledum Svierigin máhttelis bájnatjit gudi galggi oadtjot åskov Svieriga girkkov boahtte niellja jage stivrrit.
Svieriga girkko doajmma le vijdes ja gåbttjå moadda ássjesuorge. Girkko sihtá årrot sadjen gatjálvisájda ja ságastallamijda, tjåhkanimsadjen aktisasjvuohtaj, vuojŋŋalasjvuohtaj ja aktavuohtaj Jubmelijn. Girkko mij dårvov vaddá ja åvdet juohkka ulmutja sielulasj varresvuodav. Rabásmielak girkko mij le ulmutjij lahka ja fámodimij bielen. Gånnå ristagis ja almasjvuoda árvvovuodo praktihkalattjat dåjmaduvvá, Svierigin ja ålggorijkan, ávon ja surgon, árggabiejven ja basen.
Gåsi galggá Svieriga girkko fámojt biedjat?
Håhkkånimsajijn ja sårmmesajijn gávnnut?
Gástadibmáj, skallidibmáj, fiesstimij ja hávddádibmáj?
Vuorrasijt, skihppijt ja aktuviessojt guossidit?
Báhtariddjeássjijda?
Javlaj, bässátjij ja ájlistagáj basodibmáj?
Birásbargguj?
Girkkohuodnahij huksamij?
Rievtugis oassásijda?
Mánáj ja nuoraj musihkkadåjmajda?
………………….?
Girkkoválljim ragátmáno 18.b.
Girkkoválljimin ragátbiejve 18.b. dån vállji gåsi Svieriga girkko galggá boahtte niellja jage fámojt biedjat. Gesi sidá åskov vaddet? Válljimbiejven dån jienasta válljimlanján mij jienastimkårtån vuojnnu. Gänna le jienastimriektá oadtju jienastimkårtåv brevvalådaj maŋemusát bårggemáno 31.b. Jus válljimbiejven li moadda sierralágásj jienastimsaje de jienastimkårtån dajt aj vuojná. Dån máhtá aj válljimbiejve åvddål jienastit.
Girkkoválljim la gålmmå jali niellja válljima
Duv tjoaggulvisá bájkálasj organisásjåvnnå mierret jus dån girkkoválljimin galga gålmån jali nieljen válljimin jienastit.
1)
girkkofábmoduvvama jali njuolggaválljidum girkkoráde
Sij giehtadalli ássjijt ma gulluji tjoaggulvisá iellemij, bv. mij dåjmaduvvá ja makkir ulmijda tjoaggulvis galggá barggat.
2) aktisasj girkkofábmoduvvama
Moadda tjoaggulvisá álu aktijbarggi ekonomalattjat ja tjuottjodime hárráj girkkoaktisasjvuodan. Aktidum girkkofábmoduvvama mierredi luohkoj tjuottjodimev, huodnaássjij ja dakkirij birra.
3) stiftafábmoduvvama
Svieriga girkko le juogedum lågenangålmmå stifftaj. Juohkka stiffta biskåhpas lájddiduvvá. Stiftaj barggogåhttjusijda gulluji tjoaggulvisájt doarjodit ja daj bargov åvdedit.
4)
girkkotjåhkanibme
Girkkotjåhkanibme le Svieriga girkko alemus mierredimorgána gånnå li 251 sebrulattja. Sij mierredi aktisasj ássjijt ma guosski bv. girkko njuolgadusájda degu ássje gástadime, skallidime, fiesstima ja hávddádime birra.
Duv jienastimkårtån vuojná makkir válljimijn máhtá jienastit.
[organisationsskiss]
Direkta val till |
= |
Njuolggaválljima |
Nationell nivå |
= |
Rijkalasj mierre |
Kyrkomötet |
= |
Girkkotjåhkanibme |
Kyrkostyrelsen |
= |
Girkkostivrra |
Regional nivå |
= |
Dajvak mierre |
Stiftsfullmäktige |
= |
Stiftafábmoduvvama |
Stiftsstyrelse |
= |
Stiftastivrra |
Lokal nivå |
= |
Bájkálasj mierre |
Lokal nivå när församlingen ej ingår i samfällighet |
= |
Bájkálasj mierre gå tjoaggulvis ij sebra girkkoaktisasjvuohtaj |
Lokal nivå när församlingen ingår i samfällighet |
= |
Bájkálasj mierre gå tjoaggulvis säbrrá girkkoaktisasjvuohtaj |
Samfällda kyrkofullmäktige |
= |
Aktisasj girkkofábmoduvvama |
Kyrkonämnd |
= |
Girkkosiebrreráde |
Kyrkofullmäktige |
= |
Girkkofábmoduvvama |
Kyrkoråd |
= |
Girkkoráde |
Direktvalt kyrkoråd |
= |
Njuolggaválljidum girkkoráde |
Kyrkostämma |
= |
Girkkojiednadak |
Så här fungerar det |
= |
Návti doajmmá |
Grå rutor = de organ till vilka vi väljer i kyrkovalet. Helfyllda vita och grå rutor = de beslutande organen. Streckade rutor = de verkställande organen. Direktvalt kyrkoråd är både beslutande och verkställande. |
= |
Rávvis nieljetjiegaga = orgána majda válljip girkkoválljimin. Dievdedum vielggis ja rávvis nieljetjiegaga= mierredimorgána.Sáhtsodum nieljetjiegaga= dåjmadimorgána. Njuolggaválljidum girkkoráde le mierredim ja dåjmadimorgána. |
Du som är röstberättigad röstar i tre eller fyra val, det vill säga till Kyrkomötet, till stiftsfullmäktige och till ett eller två lokala organ beroende på om församlingen tillhör en samfällighet eller inte. |
= |
Gänna le jienastimriektá jienas gålmån jali nieljen válljimijn, d.j. Girkkotjåhkanibmáj, stiftafábmoduvvamijt ja avta jali guovte bájkálasj orgánaj .Duohke dasi le jus tjoaggulvis gullu girkkoaktisasjvuohtaj jali ij. |
Jienastibme
Jienastibme le vargga sämmiláhkáj gå álmmukjienastibme.
Viertti dujna jienastimkårttå jus jienasta jienastimbiejve åvddål ja jus jienasta sierralágásj jienastimsajen. Juska vil jienasta válljimlanján viertti jienastimkårtåv maŋen válldet.
Válljimbiejven ragátmáno 18.b.
Válljimlanján
Jienastimkårtån vuojná makkir válljimlanján máhtá jienastit ja makkir rabásájge li.
Sierralágásj jienastimsajijn
Muhttijn ásaduvvi aj sierralágásj jienastimsaje. Jus dakkira gávnnuji válljimbiejven de vuojná sajijt ja rabásájgijt jienastimkårtån.
Válljimbiejve åvddål
Dåjmadagá ålles rijkan
Ragátmáno 5.b. ja ragátmáno 14.b. gaskan máhtá jienastit pastora-/tjoaggulvisdåjmadagájn ålles rijkan. Lassediedojt oattjo tjoaggulvisás gånnå sidá jienastit.
Sierralágásj jienastimsaje
Máhtti aj gávnnut sierralágásj jienastimsaje ma li rahppot válljimbiejve åvddål.. Sáhkada ietjat tjoaggulvisájn jus sidá máhttelisvuodajt gullat.
Brevvajienastibme
Brevvajienastibme le ietjá vuohke jus sidá åvddåla jienastit. Dalloj dárbaha ”brevvajienastimskurpov” mav rávvi duv pastora-/tjoaggulvisdåjmadagás. Skurpon li majt dárbaha, i.s. tjálek válljimsiedil mav iesj máhtá dievddet. Nammadimjuohkusis masi ájgo jienastit álu máhtá oadtjot válljimsiedilijt ma li åvddålprienntidum. Duv brevvajienastibme viertti maŋemusát ragátmáno 14.b. jåvsådit.
Sáttakjienastibme
Sáttakjienastibme le brevvajienastime sjimuk, valla le åvdemusát alternatijvvan sunji gut le ájggum válljimlanján jienastit valla válljimbiejven ij buvte. ”Brevvajienastimskurpon” li gájkka majt sáttakjienastattijn dárbaha.
Gejda máhtá jienastit?
Girkkoválljimin jienasta nammadimjuohkusij, degu belludagájda álmmukválljimijn. Máhtá aj jienastit sierra ulmutjij gev ienemusát sidá válljit, ruossi de kandidáhta namáv nammadimjuohkusa listan!
Nammadimjuohkusa ietja diededi gåktu sihti girkko galggá barggat ja doajmmat boahtteájgen, gåsi Svieriga girkko galggá fámojt biedjat. Duv tjoaggulvisás oattjo diedojt makkir juohkusijda máhtá jienastit. Gávna aj listajt bielen www.svenskakyrkan.se
Válljimbåhtusa
Båddåsasj båhtusa vuoseduvvi bielen www.svenskakyrkan.se maŋenagi gå aktij riekkniduvvi válljimlanjáj dahppama maŋŋela. Maŋemus boados vuoseduvvá i.s. bielen www.svenskakyrkan.se gå stifta li gájkka jienastimijt ållåsij riekknim.
Duv jienastimkårttå
Dån gänna le jienastimriektá galga maŋemusát bårggemáno 31.b. duv jienastimkårtåv oadtjot häjmmaj rájadum. Jienastimkårtån vuojná persåvnålasj diedojt degu makkir jienastimijn oattjo jienastit, ja gånnå ja goassa jienastit máhtá.
Jus dån le jienastimkårtåv láhppám, jali jus danna le juoga boasstot, de dån máhtá sáhkadit girkkostivrajn, Kyrkostyrelsen, Svenska kyrkan, 751 70 Uppsala, 018-16 96 00 (Informationsservice), jali ådåsav rávvit bielen www.svenskakyrkan.se. Gut ij le jienastimkårtåv oadtjum, ja adná sujna le jienastimriektá galggá aj girkkostivrajn sáhkadit dan birra.
Jienastimkårttå rájaduvvá duv álmmuktjáledumadrässaj. Jienastimkårtåv máhttá gärddádit ja dakkir gärddusav máhttá fáksit tjoaggulvissaj gånnå jienasta ja Svieriga girkko ålggorijkatjoaggulvisájda.
