luondoiellem

Mujna ælla nav moadda ájádusá guovtegielakvuoda birra, valla lav hájn dudálasj gå lav oadtjum sjaddat guovtegielak. Lav ávon gå oadtjuv oahppat sámegielav mánájgárden ja skåvlån, ja lav ávon gå lav oadtjum divna dájt fálaldagájt ma li tjanádum sámegielåhpadibmáj.

Nágin javlli moattegielagijda le álkkep ietja gielav oahppat. La buojkulvissan álkkep oahppat ieŋŋilsgielav jus juo máhtá sihke dárogielav ja sámegielav, gå jus dåssju dárogielav máhtá, danen gå juo la oadtjum vuodov gielajt åhpatjit. Dujna l stuoráp dádjadibme gielaj birra, ja gåktu da li ásadum, ja aj gåktu grammatihkka doajmma.

Moattegielakvuohta máhttá aj adnet negatijvalasj bielijt. Nágin ihkap álbedi duv, ja ihkap givsedi duv, dåssju danen gå sáhkada sámegielav, jali ietjá imálasj gielav. Ulmutja ihkap e sidá liehket bahá, valla sij ihkap e dádjada manen nágin oahppi sámegielav. Látte ihkap ussjoli dát la imálasj giella mij ij gullu Vuodnaj.

Mån lav ávon gå lav oahppam nav ålov, ja ahte hájn sámegielav anáv skåvlån. Muv fuolkke lip læhkám sáme divna buolvajn. Danen la ájnas sámegielav oahppat, nav vaj la máhttelis munji sirddet dav vijddábut maŋep buolvajda. Sávav sámegiella galga bissot muv fuohkkijda.