Duorastak, lågenanvuostasj biejvve ragátmánon

Dálla lip vijmak boahtam mannuj dán blokkajn. Lip rievddam designav vaj galggá hiehpat dán giellakampánnjaj ja galggap aj tjállet ambassádöra oahpásmahttem vaj gávvnu dánna blokkan.

Dát giellakampánnja la dal gávnnum juo jágev ja ållo la dáhpaduvvam. Ulmutja diehtti dán birra, ållo stuorsjáttuga ja nuorra ulmutja aj. Mijá ulmme le vaj ájn ienep ulmutja, sierralágásj nuorra, sihtin ja galggin sebrrat kampánnjav. Dav máhttá moadda láhkáj sebrrat, instagrámman, facebookan, rávvit boallomerkajt/giehtabáttijt/báhkogirjátjav ja dálla dån aj máhttá sáddit tevstav  midjij vaj máhttep bloggaj almodit. Ja buoremus la at dimna dájt la dåssjå sámegiellaj! Mij gudi sámegiellav adnep ja vuosedip soamesláhkáj nanodip mijá gållegielav.

Mån gut tjáláv lav Naima ja tjáláv julevsábmáj. Lav Divtasvuonak valla årov Jielleváren ja lågåv muv máŋemus jagev joarkkaskåvlån. Muv máhttebihtit tjuovvot @unnarievsak instagrámman, ja diehttelis gávvnuji dimna ambassádöra instagrámman aj.

Jus diján le tsuojggima tjállosij vaj iehtjádij majt sihtabihtit låhkåt váj vuojnnet dán blokkan- válddit val aktijvuodav mijájn de!

-Naima