«Ávon lav gå miján la sjiehtadus Sparebanken Narvikajn mij åvddånahttemav viggá. Árranin la dárbbo doarjjaj aktisasjbarggoguojmijs jus galggap vuorbástuvvat Árranin boahtteájggásattjat» javlla direkterra Lars Magne Andreassen
«Sparebanken Narvik la ávon gå Árran la válljim mijáv báŋŋkaaktisasjvuohtan boahtteájggáj. Bájkálasj báŋŋkan berustip ja dårjudip åvddånahttemav bájkálasj barggosajijs ja nav nannip årrummielav bájkálattjat» javlla báŋŋkaoajvve Elling Berntsen Sparebanken Narvikan.
«Midjij li ruhtalasj suohpádusá ájnnasa. Da suohpádusá ma buvtaduvvi dåjmajs ja barggosajijs tjanádum daj dåjmajda ma li Árranin. Árran la tjårggevidnudahkan mijá guovlon låpptim ietjasa posisjåvnnåj ájnas máhtudakakterran - ij dåssju bájkálattjat valla aj nasjåvnålattjat. Báŋŋkaj la aj ájnas jut Árrana doajmma nasjåvnålasj sáme institusjåvnnån nanni, åvddånahttá ja joarkká julevsáme kultuvrav ja árbbedábev. Sihke Árran ja báŋŋka la ietjastis æjggudum vuododusá gænna li bájkálasj háldadimadressa» hæjttá Elling Berntsen.
Guládallamulmutja
Direkterra Lars Magne Andreassen, mobijlla: 907 75 275
Báŋŋkaoajvve Elling Berntsen, mobijlla: 416 35 337
