Duodje bagádallen

Árran – Julevsáme guovdásj ásaduváj 1994 Ájluoktaj Divtasvuona suohkanin. Árrana ulmmen le liehket nasjonála guovdásj mij sáme gielav, kultuvrav ja sebrudakiellemav julevsáme guovlon bisot ja åvddånahttá. Árranin li museadåjma, sámegielak mánájgárdde, sáme giellaåvddånahttem ja videokonferánsaj baktu giellaåhpadus, åtsådimprosjevta, nuorttaguovloj gatjálvisáj barggo, almmudakdåjma, j.i. Huodnaha ja lanjá lájggiduvvi Sámediggáj, NRK Sámi Radioj ja universitiehtajda Bodådjon ja Råmsån ja Staped;aj. Aktan sijáj gudi lájggiji le birrusij 40:sijn bæjválasj barggo Árranin.

Ienep diedo Árrana birra gávnnuji www.arran.no næhttabielen.

Árranin li aktisasjbargo Duodje Norlándajn ja Divtasvuona ASVO;jn  2014 jage rájes álggám muhtem æládusájda guoskavasj duodjeprosjevtav mij galggá vihpat jage 2016 loahppaj. Dát le doajmma mij le dagu bagádallamdievnastus jages 2012. 

Prosjevtan le oassen fágalasj bagádallamdievnastus garra ja dibma duojen. Dajnas le guokta 30% virge rahpasa Duodje bagádallen.

Barggon li:

• Bagádallat duodjuhiddjijt garra ja dibma duojen.
• Aktisattjat barggat prosjæktajådediddjijn tjadádittjat ietjá fágalasj dåjmajt prosjevtan  

Máhtudagáj gájbbádussan li:

• Fáhkaåhpadiddjij åhpadus, fáhkaduodastus jali hiebalgis åhpadus ja hárjjánibme julevsáme duodjebargojs.
• Viertti julevsámegielav máhttet.

Virggáj gájbbeduvvá ulmutjis:

• Virggáj hiebalgis máhtudahka ulmutjin. 
• Virgen li moattelágásj dahkamusá ma gájbbedi ållo aktisasjbargov iehtjádij ja ålov másjkugisvuodav.

Virggáj viertti álgget ragátmánon 2014. Virggemihtto máhttá stuoreduvvat  jus vuorbástuvvat ruhtadimijn jage 2015 rájes. Virgge máhttá aktiduvvat ietjá virgijn jus le dågålasj virggeulmusj.

• Biddnustalle bálkáv sjiehtadusáj milta.
• Pensjåvnnåmáksemav ja juogosbuohttidusáv
• Sajev/sajijt sámegielak mánájgárden
• Mássjkedis barggoájgev.

Jus sidá ienep diedojt virge birra, de dáv oattjo direktøras Lars Magne Andreassen 75575105, jali 90775275

Åhtsåmmierre: Bårggemáno 18. biejve 2014

Åhtsåm aktan CV;ajn sáddiduvvá:

Árran – julevsáme guovdásj, 8270 Ájluokta/Drag, jali e-poasstaj:  poassta@arran.no baktu.