Girjjealmodibme rádjádoalvvoma birra nuortta Nordlándan ja Oarjje-Råmsån

Girjje rádjádoalvvoma birra almoduvvá guovvamáno 19. biejve Árranin. Girje namma le "Samisk og norsk losvirksomhet i nordre Nordland og Sør-Troms, 1940–1945", ja almoduvvá almmudagán Orkana Akademisk. Girjjetjálle: Barentsinstituhta jådediddje Marianne Neerland Soleim, Råmså universitehta professor Jens-Ivar Nergård, senioråtsåddje Árran -julevsáme guovdátjin Oddmund Andersen.

Girjje vuoset rádjálåvsåj tjierggis histåvråv doaro ájge.

Rádjádoalvvom gehtjadum histåvrå tjalmij ja doalvvoma sierralágásjvuoda genga guovlojn nuortta Nordlándan ja Oarjje-Råmsån tjalmostuvvi. Åvdep rádjálåvså, sijáj familja ja báhtariddje subtsasti sijá vásádusáj birra ja sijá mujtojt rádjádoalvvoma birra.

Prográmma almodime birra mij la guovvamáno 19. biejve boahtá maŋŋel.

Jus hálijda åvdebut diŋŋgut diededa Árran – julevsáme guovdátjij. Hadde le 389,- kr.

BESTILL HER.