Moattes arvusmahteduvvin gápptegoarrom kursas // Mange fikk inspirasjon på koftesyingskurset

Gápptegoarromkurssa álgij seminárajn gånnå kurssajådediddje Anna-Stina Svakko åvddånbuvtij gáptijt duoppet dáppet Sámes miehtáj. Maŋnenagi de ienebut julevsáme dáffo tjalmostuváj, gápptedábij birra muhtem familjaj ja fuolkij gaskan. Dát tiebmá ållo ságastallamav ja mujtojt båvtij ja moadda gatjálvisá ja åtsådallama åvddånbåhtin dáj 25 oasseváldij gaskan.

Det hele startet med et seminar der kursholder Anna-Stina Svakko presenterte kofter fra ulike områder i hele Sápmi. Senere ble det mer fokus på det lulesamiske området, med tradisjoner og koder i bruk av kofta i enkelte slekter og familier. Dette temaet vekket mye diskusjoner og mange spørsmål, minner og erfaringer blant de 25 deltakerne.
 

Vuostasj duodjesemináran Árranin lij oasseváldijn stuorra berustibme. Anna-Stina Svakko lij arvusmahttelis åhpadiddje ja åvddånbuvtij álkkes ja snivva ájádaládum åhpadallamvuogev gáppte goarramij.

Det var stort engasjement hos deltakere på det første duodjekurset på Árran 29.8.-1.9.12. Læreren Anna-Stina Svakko var en inspirerende kursholder og kom med et enkelt og gjennomtenkt undervisningsopplegg i sying av kofte.
 

Muhtema oasseválldijs lidjin hárjjánam goarro, ja muhtema vas álgge, valla buoragit gájkajn manáj. Vuostak dal oadtju gæhttjalimgáptev goarrot, ja kursan almma gáptev joarkket goarrot, dábálasj tydjaj ja ietján materiálaj ma dási gulluji. Gå nav ålos gå 17 oassevállde berustin álgget gápptekurssaj, de juohkin sijájt guovte juohkusij, ja oadtjun válljit juogu dal iehkedijt jali biejvijt kurssit.

På grunn av den massive interessen med hele 17 deltakere på koftesyingskurset, ble deltakerne delt i to grupper, og de kunne velge om å gjennomføre kurset på dag- eller kveldstid. Noen av deltakerne var erfarne syersker, mens noen var nybegynnere, men det gikk like greit for alle. Det ble prøvekofte i første omgang, og kurset vil fortsette. Da skal deltakerne få sy på riktig, med tilhørende stoff og materiell, slik at det blir en ordinær gáppte.
 

Gáhtjos ja tjavggis barggo le allasis minsstarav dahkat ja gáptev vadjat, ja ájgge ruvva gålåj. Ja då guovte bagádalláj Anna-Stinaj ja Lilianaj lij gáhttjo gå vargga idja-biejvve vierttijga barggat.

Duodjekursa joarkeduvvi tjavtjav, ja moadda gáhtjos vahkkolåhpa li vuordon. Anna-Stinav vuorddep Árranij vas 38. vahkon, dsj. ragátmáno 20-22 biejvijt.

Hektisk og intensivt arbeid i å lage eget mønster og klippe kofta fikk tiden til å fly. Det var minst like hektisk for de to veilederne Anna-Stina og Lilian Urheim som fikk jobbe nesten døgnet rundt.

Duodjekursene fortsetter utover høsten, og det vil bli mange hektiske arbeidsøkter om helgene. Vi venter Anna-Stina til Árran igjen i uke 38, dvs. 20.-22.september.