Ådå sjiehtadus la vuollájtjáledum, ja Lars Magne Andreassen joarkká virgev direkterran Árran julevsáme guovdátjin.
Árabut dá jage sjiehtadi árrana stivrra joarkket direkterra vierkkeájgev stuovvásit bårggemáno rádjáj. Virgádimen gidán sjattaj tjielgas jut direkterra oattjoj fálaldagáv joarkket virgen doajmmaájge rievddadime milta. Giesseloabe maŋŋela joarkkij prosæssa ja formalitehta li dálla sajenis.
Direkterra la virgálasj gudá jahkásasj gávddavirggen -6 jage, 1. bårggemános 2017 gitta 31. snjilltjamánnuj 2023. Barggosjiehtadus låhpaduvvá váni hiejttemdiedádusájn gávddavirge gietjen ja bargge viertti guodet virgev direkteran. Dan diehti gå la bargge nuppát gávddavirggeájgge ij la desti máhttelis joarkket gávddavirgev.
Stivrra diehtá Andreassena artisstadåjma birra ja dåhkkit dav. Sæmmi guosská duon dán dåjma birra, guoskavasj stivrradoajmma vuona UNESCO-kommisjåvnån 2017-2020 ja stivrradoajmma sáme nasjonálateáhttarin Beaivváš. Duodden stivrra vuoset Árrana ja direktera sierralágásj ámmádij minoritehtasebrudagán ja gájbbet direkterav buorre dájdo milta barggat.
Stivrra la dudálasj sjiehtadusájn ja dættot Árranin la fágalasj tjiehppe jådediddje guhti sjaddá giehtadallat hásstalusájt ja máhttelisvuodajt ma badjáni Árrana gáktuj, duola dagu åvddånahttemprosjækta Árran 2020 jage vuossti mij aj guosskat prosjevtav Árrana tsieggidusá stuoredimev
Guládallamålmmå: Stivrajådediddje Andreas Mikkelsen
Tlf: 95920743
E-poassta: andreas.mikkelsen@gmail.com
