Sáme ásadusáj nuorttaguovlo værmádagá ásadibme

Sáme ásadusáj nuorttaguovlo værmádak ásaduváj biehtsemáno 29.b. 2006. Uddni li dá ásadusá sebruladtjan: Saemijen Sijte, Snåsa, Sijti Jarnge, Hattfjelldal, Árran julevsáme guovdásj, Divtasvuodna, Várdobáiki sámi guovddás, Evenassi, Gáldu-Álgoálbmotvuoigatvuodaid gelbbolasvuodaguovddás, Guovdageaidnu, Rikkaidgaskasas Boazodoalloguovddás, Guovdageaidnu, Sámi allaskuvla, Guovdageiadnu ja Sámi ealahus- ja guorahallanguovddás, Deatnu. Værmádagá barggo sierra prosjæktan gitta biehtsemáno 30.b. 2008 rádjáj tjadáduváj, majt Nuortta-Vuona ja Nuortta-Trøndelága rijkkaoassejuogos ja Barggo- ja sebradahttemdepartemænnta ruhtadin. 29.06. 2006 - 30.06. 2008 bargo diedádus almoduváj ragátmáno 3.b. 2008. Diedádusán li vihtta kapihttala ja gålmmå tjuovvusa. Gåktus sáme bargguj oassálasstin, mij åvdedij nuorttaguovlojt rijkajgasskasasj aktisasjbarggoguovllon, le 1. kapihttalin oanegattjat tjielggidum. Sáme ásadusáj nuorttaguovlo værmádagá ásadibme ja 2006 doajmma boahtá 2. kapihttalin åvddån. 3. kapihttalin le 2007 ja 2008 dåjmajs tjáledum, ja prosjevta gålojs 4. kapihttalin låhkå. Prosjevta båhtusa li 5. kapihttalin árvustaládum aktan hásstalusáj åvddålij guovlluj. Diedádus le sábmáj ja dárruj. Manngela suoma- ja ienngilsgiellaj almoduvvá. Diedádusáv sámegiellaj dánna gávna.