+47 75 77 51 00 
Sidá gus oahppat sáme dábij milta biebmojt dahkat?
Árran ásat kursav sáme biebbmo gånnå le Laila Spik dåbdos sáme koahkka ja kultuvrrabargge Jåhkåmåhkes åhpadiddjen.
Kurssa le Ájluovta skåvlån lávvodagá ragátmáno 25. biejve kl 09.00-19.00.
Kurssa le Ájluovta skåvlån lávvodagá ragátmáno 25. biejve kl 09.00-19.00.
 |
| Laila Spik. |
Ruttaj ja sjattoj birra lahkabirrusis; gåktu ávkástallat. Tjoaggem, vuorkkom, biebbmon ja dálkkasin.
Kursan aj åhpa gåktu lassjes juhkusav, guolmmasav, vuossjat, ja gåktu biehtsebárgojt ávkástallat lájbbimijn. Oahpástuvvap aj gåktu ålles båskåv ja ietjá sjattojt árbbedábij milta ávkástallat.
Doajvvop kurssa sjattajs arvusmahttelis moaddásijda, ja vaj juohkkahasj geŋga láhkáj ájtsastahttjá mijá váljes luondoluohkkojt, sjattojt ja ruttajt, ávkástallagoahtet.
Gåktu boahttsubiergov gárvedit biebbmon ja ruttaj muossagahttet le guovdátjin kursan. Guole ja låtte li aj bårråmusfállon.
Kurssa låhpaduvvá aktisasj hærsskobiebmojn. Hadden le 600 kråvnå. Oassálastestibme le ráddjidum.
Kurssaåhpadiddje birra:
Laila Spik le Jåhkåmåhkes Svierigis. Sån le åhpadiddje, koahkka, lågådalle ja tjálle.
Sån le oahpes mij gullu sámebiebbmuj, ja dassta gå badjel lågev jage le kultuvrrabarggen læhkám ja lågådallen sáme kultuvra birra Nuorttarijkajn ja duoppen dáppen væráldin.
Laila Spik le oadtjum jage 2004 Gastronomiska Akademia diplomav dassta gå le åvddånbuktám ja åvddånahttám sáme biebbmo- ja bårråmdábijt. Sån le EU-parlámentav, Nuorttarijkaj Rádev, Birásdepartementav ja duov dáv kongressajt gasskabiejvij guossodam. Gasskabiejve li læhkám muossádussan sáme vuojŋajn oanegasj subttsasij sáme biebbmo- ja bårråmusdábij birra.
Æjvvalibme varresvuoda birra Laila Spikajn
Mij aj ásadip æjvvalimev varresvuoda birra Laila Spikajn mánnodagá ragátmáno 27. biejve Árranin.
Dåbdos sáme koahkka Laila Spik, subtsas gåktu rutta, muorje ja sjatto biebbmon ja dálkkasin sjaddi. Gájkka sáme biebbmodábij milta. Sån subtsas gåktu luondov ávkástallat vaj varresvuodav ja iellemav buoredit. Oadtjop aj muossádit guolmmasav mij le biehtsebárkojs vuossjadum, ja subtsas gåktu bárko vaddi lassjes ja biektelis lájbijt. Duodden oahppap gåktu lassjegap vuojav dahkap. Ja oadtjop aj slahppojuptsav gadtsat
